Бугарска семејна пекарница од Хасково ја освојува Европа со панетоне и бриош

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарска семејна пекарница од Хасково ја освојува Европа со панетоне и бриош

16 јуни 2026

• од Темелко Тошев

Ако мислите дека Италијанците јадат само панетоне направено во Италија, или дека Французите не признаваат туѓ бриош (познатото меко француско тесто), време е да слушнете за една семејна фирма од Хасково.

„Тимс Фудс“ (Tims Foods) е единствената компанија во Бугарија што прави вакви бриош лепчиња. Тие се еден од ретките производители во регионот што успеваат да продаваат пекарски и слаткарски производи во повеќе од 15 европски земји.

Од мала маалска фурна до големи фабрики

Приказната започнува во 1991 година кога отвориле мала, локална пекарница. Семејството уште од тогаш, па сè до денес, директно управува со бизнисот. Како што растела работата, тие ја изградиле својата прва поголема фабрика за да можат да прават поспецифични производи.

Големиот пресврт се случува кога почнуваат да соработуваат со маркетите Lidl пред повеќе од десет години. Тоа им ги отвора вратите за извоз, па во 2017 година го прават првиот голем чекор надвор од Бугарија – почнуваат да извезуваат милиброд за Грција.

Огромен раст и продажба во 15 држави

Само во последната година, извозот на нивните лепчиња пораснал за неверојатни 176%. Нивниот најпознат производ е бриошот – традиционален сладок леб, полн со путер и јајца, кој е мек како памук и се топи во уста.

Денес, нивните лепчиња за бургери и хотдог, кифличките, милибродот и колачите се продаваат низ цела Европа, вклучувајќи ги:

На Балканот: Хрватска, Србија, Словенија, Романија и Грција.
Низ Европа: Италија, Германија, Шпанија, Швајцарија, Белгија и Португалија.
Дури и на островите: Кипар, Малта и Канарските Острови.

Италијанците го сакаат нивното панетоне

Компанијата веќе една година има посебна линија само за правење панетоне. Самите си прават свој природен квасец (маја) и го контролираат целото стасување на тестото. Овој производ станал толку добар што успешно се продава дури и во Италија – земјата од каде што всушност потекнува панетонето. Продажбата е двојно зголемена во однос на лани, а очекуваат уште поголем раст за претстојните празници.

Милионски инвестиции за иднината

Бидејќи нивните бриош лепчиња за хамбургери станале огромен хит, фирмата не можела да постигне со нарачките. Затоа, морале да вложат 4,5 милиони евра во нови машини.

Сега планираат уште поголем чекор – градење на трета фабрика во Хасково на огромно земјиште од 40.000 метри квадратни. Само за градењето на магацините и инфраструктурата планираат да потрошат над 15 милиони евра. Нивната крајна цел е нивните меки лепчиња да станат број еден избор на целиот европски пазар.