Историски чекор: Украина и Молдавија ги отвораат пристапните преговори со ЕУ, Црна Гора затвора нови поглавја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Историски чекор: Украина и Молдавија ги отвораат пристапните преговори со ЕУ, Црна Гора затвора нови поглавја

13 јуни 2026

• од Темелко Тошев

Европската Унија во понеделник во Луксембург официјално ќе ги отвори пристапните преговори со Украина и Молдавија. Процесот започнува со отворањето на првиот и најважен преговарачки кластер, кој се однесува на темелните права, правосудството и владеењето на правото.

Веста ја потврди претседателот на Европскиот совет, Антонио Коста, кој ја нагласи важноста на овој момент за иднината на Унијата и земјите кандидатки.

„Европската Унија денеска направи голем чекор напред. Сите земји членки се согласија да го отворат првиот кластер од пристапните преговори со Украина и Молдавија“, изјави Коста.

Што опфаќа првиот преговарачки кластер?

Овој кластер претставува основа на пристапниот процес. Според новата методологија за проширување на ЕУ, овие области традиционално први се отвораат, а последни се затвораат во текот на преговорите.

Првиот кластер ги опфаќа клучните вредности врз кои е изградена Унијата, како што се функционирањето на демократските институции и заштитата на основните права, а во себе содржи пет преговарачки поглавја:

Јавни набавки
Статистика
Правосудство и темелни права
Правда, слобода и безбедност

Црна Гора го потврдува статусот на лидер во интеграциите

Паралелно со историскиот исчекор за Киев и Кишињев, во Луксембург ќе се одржи и меѓувладина конференција со Црна Гора.

На оваа конференција, Црна Гора официјално ќе ги затвори преговорите во уште две значајни поглавја:

Слободно движење на работници
Заштита на потрошувачите и здравјето

Црна Гора останува најнапредната земја кандидат во процесот на пристапување кон европското семејство. Досега земјата има затворено вкупно 14 преговарачки поглавја. Властите во Подгорица се оптимисти и најавуваат амбициозен план – до крајот на оваа година имаат намера да ги затворат и сите преостанати поглавја од пристапниот процес.