Денеска 13 јуни 2026 година се празнува Светиот апостол Ерма

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Денеска 13 јуни 2026 година се празнува Светиот апостол Ерма

13 јуни 2026

• од Темелко Тошев

Православните верници денеска го одбележуваат споменот на Светиот апостол Ерма, еден од седумдесеттемина апостоли чие име е запишано и во Светото Писмо, поточно во Посланието на светиот Апостол Павле до Римјаните.

Иако родум бил Грк, Светиот апостол Ерма долго време живеел и дејствувал во Рим. Својот живот го посветил на црквата и служел како епископ во Филипопол, а својот овоземен пат го завршил маченички, сведочејќи за својата вера.

Од големо богатство до крајна сиромаштија

Животот на Ерма бил исполнет со големи пресврти. На почетокот тој бил многу богат човек, но поради тешките гревови на своите синови, западнал во крајна сиромаштија. Сепак, тој не ја изгубил надежта и продолжил ревносно да се моли.

Еднаш, додека бил на молитва, доживеал чудесно откровение. Му се јавил човек во бела облека и со стап во рацете, претставувајќи се како Ангел на покајанието. Ангелот му порачал дека му е испратен за да го придружува и води сè до крајот на неговиот живот. Инспириран од ова небесно откровение, Ерма ја напишал многупоучната христијанска книга позната под името „Пастир“.

Дванаесетте заповеди на Ангелот на покајанието

При нивната средба, Ангелот му предал на Ерма дванаесет важни животни и духовни заповеди кои претставуваат силен патоказ за секој верник:

1. Да верува во Бога;
2. Да живее во простота и невиност, да не злослови и да му дава милостиња на секого што проси;
3. Да ја љуби вистината и строга да ја одбегнува лагата;
4. Да го чува целомудрието во своите помисли;
5. Да се учи на трпение и великодушност;
6. Да знае дека покрај секој човек е поставен еден добар и еден зол дух;
7. Да се плаши од Бога и да не се плаши од ѓаволот;
8. Да прави секакво добро и да се воздржува од секое зло;
9. Да Му се моли на Бога од длабочината на душата со силна вера;
10. Да се чува од тагата, која е сестра на сомнежот и гневот;
11. Да ги испитува вистинитите и лажните пророштва;
12. Да се чува од секоја зла желба.