Нови мерки против пожарите: Од 1 јули се забранува движење во шума без дозвола

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нови мерки против пожарите: Од 1 јули се забранува движење во шума без дозвола

12 јуни 2026

• од Темелко Тошев

Премиерот Христијан Мицкоски соопшти дека Владата ги има преземено сите неопходни мерки за менаџирање и справување со пожарите во текот на оваа сезона. Според неговите зборови, државата е подготвена за предизвиците што ги носи летниот период.

Сервисирани летала и оспособена механизација

Како што истакна премиерот, сите три авиони наменети за гаснење пожари се навремено сервисирани и подготвени за интервенција. Дополнително, оспособени и прилагодени се и воените возила кои ќе се користат за интервенции во случај на пожари.

Покрај техничката подготвеност, се воведува и важна превентивна мерка – од 1 јули се воведува целосна забрана за движење во шумите без соодветна дозвола.

„Владата донесе одлука за забрана за движење во шумите почнувајќи од 1 јули. Општините, преку ЗЕЛС, добија насоки да ги исконтролираат сите колективни субјекти, депониите и другите потенцијално опасни места за да се утврди дали ги исполнуваат условите. Доколку не ги исполнуваат, тие ќе бидат веднаш санкционирани. Како Влада ги презедовме сите мерки, но факт е дека сезоната е таква каква што е“, изјави премиерот Мицкоски.

Апел до граѓаните за максимална внимателност

Мицкоски нагласи дека институциите се целосно организирани и дека работат во тесна координација со општините со цел континуирана контрола на зоните со висок ризик од пожари.

Надлежните институции упатуваат силен апел до сите граѓани:

Да покажат максимална внимателност при престојот во природа.
Строго да се избегнува палење оган на отворен простор.
Веднаш да се пријави секој сомнителен случај или појава на оган што може да претставува опасност за шумите и животната средина.