Бугарскиот професор Вагалински за „Коридор 8“: Коски од Самоил се испратени на анализа, следува ДНК-профилирање на семејството

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарскиот професор Вагалински за „Коридор 8“: Коски од Самоил се испратени на анализа, следува ДНК-профилирање на семејството

05 октомври 2026

• од Гоце Кически

Коски од посмртните останки на цар Самоил веќе се испратени на анализа, а првичните резултати се добри, изјави професорот Људмил Вагалински во подкастот „Коридор 8“. Истражувањето треба да продолжи со ДНК-профилирање на Самоил, неговите блиски роднини и други останки поврзани со семејството.

Вагалински објаснува дека научниците најпрво треба да ги утврдат ДНК-профилите на скелетите со кои располагаат. Потоа би можело да се испитува дали постои можност тие да се споредат со ДНК од луѓе за кои се претпоставува дека се потомци на поширокото семејство на Самоил.

Во таа насока тој ги споменува и семејствата во Италија чија генеалогија се поврзува со линијата на Јован Владислав. Според Вагалински, таквата можност треба сериозно да се истражи, но за евентуална роднинска поврзаност ќе може да се зборува само врз основа на научни резултати.

Постојат и други можни погребувања на членови на поширокото семејство на Самоил во странство. За нивно испитување, според Вагалински, ќе биде потребна соработка со надлежните власти во тие земји и проверка дали коскените останки се доволно добро зачувани за ДНК-анализа.

Научниците имаат предност што располагаат со повеќе скелети, а не само со еден примерок. Тоа би можело да овозможи посигурно утврдување на роднинските врски, вклучително и по мајчина и по таткова линија.

Вагалински посочува дека скелетот на Самоил во минатото бил третиран со средства за зацврстување, што денес ги ограничува можностите за земање примероци. Другите скелети, врз кои немало таква интервенција, според него, би можеле да дадат уште посигурни резултати.

Тој вели дека веќе постои научна програма за продолжување на истражувањата и дека анализите треба да се спроведуваат методично и што е можно побрзо, со цел да се добијат покатегорични ДНК-резултати.