Латвија избира нов парламент во сенка на стравувања од руски хибридни напади

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Латвија избира нов парламент во сенка на стравувања од руски хибридни напади

03 октомври 2026

• од Гоце Кически

Латвијците денеска гласаат за нов парламент, додека премиерот Андрис Кулбергс бара целосен четиригодишен мандат. Изборите се одржуваат во услови на зголемена загриженост за безбедноста на земјата, која е членка на НАТО и граничи со Русија и Белорусија.

Како што пренесува Асошиејтед прес, политичката криза во мај, поврзана со начинот на кој властите реагирале на залутани дронови за кои постоело сомнение дека дошле од Украина, довела до пад на претходната владина коалиција. Потоа беше формирана четирипартиска влада предводена од Кулбергс и неговата центристичка партија Обединета листа.

„Силна економија може да донесе само силна одбрана“, изјави Кулбергс по гласањето во Рига, пренесува Асошиејтед прес. Тој порача дека одбраната и економијата ќе бидат меѓу главните приоритети доколку добие мандат да ја води земјата.

Околу милион и половина граѓани имаат право да изберат сто пратеници во латвискиот парламент. Партиите мора да освојат најмалку пет проценти од гласовите за да добијат пратенички места, а поради поделениот политички терен се очекуваат преговори за нова коалиција.

Безбедноста е една од главните теми на изборите. НАТО ја засили заштитата на латвискиот воздушен простор, а Германија испрати четири борбени авиони „Еурофајтер“. Латвиската служба за државна безбедност соопшти дека досега не открила значителни или систематски обиди за влијание врз изборите во корист на одредена партија или кандидат.

Избирачките места се отворени до дваесет часот по локално време, а резултатите се очекуваат рано во недела.