Саше Политико: Кога ќе те сопре полицаец во Бугарија, се чувствуваш како во вистинска европска земја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Саше Политико: Кога ќе те сопре полицаец во Бугарија, се чувствуваш како во вистинска европска земја

19 мај 2026

• од Темелко Тошев

Познатиот новинар и коментатор Саше Ивановски, попознат како Саше Политико, во своето најново гостување во подкастот „Почетна пресметка“ сподели свои лични импресии од неодамнешните патувања во соседна Бугарија. Тој истакна дека бугарските институции имаат направено огромен напредок во однос на професионалноста и културата, особено ако се споредат со состојбите во деведесеттите години.

Зборувајќи за своите чести посети на источниот сосед, Политико посебен акцент стави на сообраќајната полиција и нивниот однос кон граѓаните, посочувајќи ги како позитивен пример за тоа како треба да функционира една модерна европска држава.

„Еве јас често патувам во Бугарија овие денови и можам да кажам дека бугарските институции многу се подобрени сега за разлика од порано“, изјави Политико во подкастот „Почетна пресметка“.

Дигитализација и европски манири

Тој сликовито го опиша искуството при рутинска сообраќајна контрола, потенцирајќи ја културата на полициските службеници.

Професионален пристап: „Значи кога ќе те сопре полицаец во Бугарија, односот е баш онака, се чувствуваш како да си некаде во европска земја. Ти се претставува полицаецот: ’Јас сум полицаец тој и тој, те сопрев поради тоа и тоа‘“.
Модерна опрема: „Користат ајпади, сите електроники. Многу се културни за разлика од порано во деведесеттите, кога односот беше малку подрзок и понекултурен.“

Лекција за Македонија

Споредувајќи го минатото со сегашноста, Саше Политико заклучи дека напредокот на Бугарија е очигледен и дека тоа треба да послужи како мотив и за нашата земја. Своето излагање го заврши со порака до домашните институции и општеството во целина.

„Се гледа дека Бугарија има напреднато и тоа го очекувам и од нас. Да напреднеме и ние, да се европеизираме пред сè“, порача тој на крајот од овој сегмент во подкастот.