Николоски: Експресниот пат од Струмица ќе продолжи до границата со Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Николоски: Експресниот пат од Струмица ќе продолжи до границата со Бугарија

03 октомври 2026

• од Гоце Кически

Планираниот експресен пат преку Струмица и Ново Село треба да продолжи до границата со Бугарија, а веќе е почната постапка за подготовка на потребната проектна документација, соопштија од Министерството за транспорт.

Вицепремиерот и министер за транспорт Александар Николоски денеска престојуваше во Струмица, каде со градоначалникот Петар Јанков разговараше за инфраструктурните проекти во регионот.

Една од најзначајните идни инвестиции е експресниот пат Радовиш – Струмица – Ново Село – граница со Бугарија. Во тек е постапка за избор на проектантска и консултантска компанија која треба да ја подготви документацијата за проектот.

Предвидена е изработка на предпроектни анализи, еколошки и социјални студии и физибилити студија. По завршувањето на подготовките треба да следува избор на изведувач и почеток на градежните работи.

Николоски претходно најави дека трасата нема да завршува во Струмица, туку ќе продолжи преку Ново Село до македонско-бугарската граница. Проектот треба да се финансира со средства на Јавното претпријатие за државни патишта.

Со изградбата на оваа делница се планира подобро патно поврзување на струмичкиот регион со Бугарија и подобрување на условите за прекуграничниот сообраќај.