Фон дер Лајен: Клучниот чекор кон ЕУ се уставните измени за вклучување на Бугарите и другите заедници

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Фон дер Лајен: Клучниот чекор кон ЕУ се уставните измени за вклучување на Бугарите и другите заедници

02 октомври 2026

• од Гоце Кически

Претседателката на Европската комисија, Урсула фон дер Лајен, порача во Скопје дека Северна Македонија треба да направи уште еден клучен политички чекор за да продолжи со пристапните преговори и да го отвори кластерот „Основи“.

Станува збор за уставните измени со кои во Уставот треба да бидат внесени Бугарите, заедно со други заедници. Оваа обврска произлегува од договорената рамка за продолжување на европските преговори. Европската комисија и претходно наведуваше дека земјата треба да ги усвои потребните уставни измени за да може процесот да продолжи.

Фон дер Лајен рече дека разбира оти прашањето е чувствително, но истовремено нагласи дека Европската Унија ја прифаќа Северна Македонија со нејзиниот идентитет и македонскиот јазик.

„Македонската култура и јазик можат само да ја направат нашата Унија побогата“, порача претседателката на Европската комисија.

Таа потсети и на тешките политички одлуки што земјата ги носела во минатото, посочувајќи го Преспанскиот договор како пример за политичка храброст што го отвори патот кон членството во НАТО.

Според Фон дер Лајен, Северна Македонија веќе покажала дека може да носи крупни одлуки за својата иднина. Таа ја истакна и соработката со Европската Унија во областа на безбедноста и одбраната, како и поддршката на земјата за Украина.

Пристапните преговори со ЕУ формално започнаа во 2022, а скринингот беше завршен. Сепак, европските институции и натаму ги посочуваат уставните измени како неопходен следен чекор пред отворањето на првиот преговарачки кластер.