Љупчо Зиков: Луѓето си заминуваат затоа што овде се будиме и заспиваме со СДСМ и ВМРО

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љупчо Зиков: Луѓето си заминуваат затоа што овде се будиме и заспиваме со СДСМ и ВМРО

04 септември 2026

• од Темелко Тошев

Новинарот и аналитичар Љупчо Зиков во своето најново излагање се осврна на еден од најгорливите проблеми во државата – масовното иселување. Според него, граѓаните веќе не си заминуваат исклучиво од економски причини, туку пред сè поради токсичната општествена и политичка клима која го гуши нормалното секојдневие.

Зиков истакнува дека разочарувањето кај граѓаните е дојдено до тој степен што државата за нив веќе не претставува тема на размислување, а плановите за заминување се сеприсутни.

„Јас не познавам во последниве десет години луѓе што заминале или што планираат да заминат. Има и такви во моментот со кои седиме, сите се со план да заминат. Македонија им е толку небитна тема веќе. Значи, тие не анализираат дали да останат тука кај што се“, потенцира Зиков.

Тој додава дека дури и информациите за економските потешкотии во западните земји не ги одвраќаат луѓето од нивната намера да се иселат. Фокусот на оние кои заминуваат, на пример во Германија, одамна не е само на висината на платата, туку на генералниот квалитет на живот, културата и поинаквиот менталитет.

„Еј, Германија е сега тема, ѝ оди тешко... Но, тој што оди таму вели: ’Колку и да заработувам, таму животот ми е подобар. Сакам тука да дојдам, да ги видам моите, но таму ќе живеам‘. Секојдневието ќе му биде поразлично – нова средина, јазик, култура, расположење“, објаснува тој, додавајќи дека луѓето во странство едноставно имаат поинаков поглед на светот.

На крајот, Зиков ја лоцира клучната причина за ваквата апатија и желба за бегство од државата – прекумерната исполитизираност која не остава простор за нормален живот.

„Луѓето таму не гледаат на работите како што ние тука гледаме. Ние тука се будиме и заспиваме со СДСМ и ВМРО“, заклучува Зиков, испраќајќи јасна порака дека токму ваквото политичко секојдневие е главниот двигател на иселувањето.