БИРН открива: Македонскиот бизнисмен Шефшет Демировски во центарот на шпионски скандали за оружје во Србија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

БИРН открива: Македонскиот бизнисмен Шефшет Демировски во центарот на шпионски скандали за оружје во Србија

04 септември 2026

• од Темелко Тошев

Македонскиот бизнисмен Шефшет Демировски, сопственик на групацијата „АТС Груп“ која бележи брз подем во наменската индустрија, се наоѓа во центарот на вниманието по откритијата на БИРН за негова вмешаност во повеќе случаи на индустриска шпионажа во соседна Србија.

Според информациите, во јули 2024 година, српската полиција уапсила тројца инженери (на возраст од 36, 63 и 64 години) кои претходно работеле во српската државна фабрика за оружје „Крушик“. Тие се теретат за доставување строго доверливи информации за производство на минофрлачки гранати од 120 милиметри токму на македонската компанија „АТС Груп“, во сопственост на Демировски.

Сепак, ова не е првпат името на Демировски да се поврзува со контроверзни случаи на шпионажа во српскиот одбранбен сектор. Истражувањето на БИРН потсетува на сличен случај од 2019 година, кога македонскиот бизнисмен бил осомничен за поткуп на поранешен инженер во фабриката „Први партизан“ со цел да дојде до доверливи технички податоци за производство на муниција.

Она што фрла дополнителна сенка врз овој случај е податокот до кој дојде БИРН – казната што му била изречена на Демировски по спогодбата за случајот во 2022 година, ја платил Александар Милојевиќ, во јавноста познат под прекарот „Аца Цвеќарот“. На Милојевиќ во моментов му се суди како член на криминална група вмешана во прекуграничен шверц на кокаин.

Шефшет Демировски за релативно кратко време успеа да изгради моќна империја во индустријата за производство на воена и заштитна опрема. Својот бизнис-подем во овој сектор го започна во 2017 година со отворањето на првата фабрика во Скопје за производство на шлемови и панцири. Две години подоцна, во 2019 година, ја основа „АТС Инженеринг“ за производство на машини за муниција, а веќе во 2020 година ја презеде фабриката за муниција во Самоков, денес позната како „АММО АТС“.

Најновите скандали фрлаат ново светло врз начинот на кој се одвива трансферот на технологии во балканската наменска индустрија, отворајќи сериозни прашања за методите преку кои регионалните компании стигнуваат до воени тајни.