ДУИ: Европскиот парламент го гледа влијанието на „Српскиот свет“, ВЛЕН не го гледа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Европскиот парламент го гледа влијанието на „Српскиот свет“, ВЛЕН не го гледа – заслепени се од југоносталгија

18 јуни 2026

• од Темелко Тошев

На денот кога Албанците се соочуваат со последиците од одлуката на Уставниот суд за укинување на имињата на улиците со албанска содржина и симболика во Тетово, експонентите на коалицијата ВЛЕН продолжуваат да се занимаваат со ДУИ, повторувајќи исцрпени обвинувања, се вели во најновото партиско соопштение на Демократската унија за интеграција (ДУИ).

Од партијата посочуваат дека наместо претставниците на ВЛЕН да дадат отчет како е дозволено враќањето на имињата од југословенскиот период и поништувањето на дел од албанскиот историски идентитет во Тетово, тие продолжуваат да бараат виновници таму каде што ги нема. Според ДУИ, ова е доказ за недостаток на визија, храброст и политичка одговорност.

„Иронијата е што, додека ВЛЕН не гледа ништо проблематично во насоката во која се движи државата, Европскиот парламент во својот најнов извештај ги нагласи загрижувањата за влијанието на концептот на таканаречениот ‘Српски свет’ во Северна Македонија и во регионот. Европските институции ја гледаат опасноста, ја идентификуваат и јавно ја адресираат. Но, ВЛЕН не го гледа тоа“, се истакнува во соопштението.

Од ДУИ обвинуваат дека за коалицијата ВЛЕН не било проблем носењето во Владата на експоненти кои ги промовираат наративите на „Српскиот свет“, ниту пак политичките и економските влијанија кои произлегуваат од овој концепт.

„Не видоа проблем во нападот врз ‘Балансерот’. Не видоа проблем во релативизирањето на Бадентеровиот механизам. Не видоа проблем во обидите за слабеење на позицијата на албанскиот јазик. Не видоа проблем ниту во одлуката што денес во Тетово враќа имиња и симболи од период кој Албанците историски го надминале. Европскиот парламент го гледа тоа. Албанците го гледаат. Јавноста го гледа. Само ВЛЕН не го гледа. И причината е јасна: тие се заслепени од две работи – од нивната југоносталгија и од нивната опсесија со ДУИ“, порачуваат од партијата.

На крајот од соопштението, од Демократската унија за интеграција нагласуваат дека ќе продолжат да ги бранат стекнатите права на Албанците, националниот идентитет и духот на Охридскиот рамковен договор, и покрај, како што велат, „напорите на оние кои денес молчат пред враќањето на симболите од минатото и нападите врз историските достигнувања на Албанците“.