Јотова по средбата со Сиљановска Давкова порачала дека мора да се впишат Бугарите во Устав

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Јотова по средбата со Сиљановска Давкова порачала дека мора да се впишат Бугарите во Устав

11 јуни 2026

• од Темелко Тошев

На вчерашната средба меѓу бугарската потпретседателка Илијана Јотова и претседателката на Северна Македонија, Гордана Сиљановска-Давкова, главна тема на разговор беа евроинтеграциите на земјава и условите кои Скопје треба да ги исполни за почеток на преговорите со Европската Унија.

Како што соопшти кабинетот на Јотова, таа недвосмислено порачала дека Бугарија очекува Република Северна Македонија целосно да ги исполни европските критериуми за членство, што конкретно значи спроведување на т.н. „француски предлог“ од 2022 година.

Фокус на уставните измени и говорот на омраза

Според бугарската потпретседателка, условот за уставни измени не претставува билатерален притисок од Софија, туку преземена обврска кон Европската Унија.

„Ова се европски критериуми за членство, а не бугарски барања. За да започне преговори, Скопје треба да ги исполни своите обврски со вклучување на Бугарите во својот Устав“, потенцирала Јотова на средбата.

Покрај уставните измени, во соопштението од нејзиниот кабинет се наведува дека Јотова строго инсистирала на почитување на правата на македонските Бугари, како и на итно ставање крај на говорот на омраза во Северна Македонија.

Отворено прашањето за случајот во Кочани

За време на разговорите, Јотова го покренала и прашањето за случајот со 23-годишната Ива Михајлова.

Според информациите од кабинетот, на Михајлова ѝ е потребен медицински третман, но таа е оневозможена да го напушти Кочани бидејќи личните документи ѝ се привремено одземени. Одземањето на документите е резултат на тековна истрага за сообраќајна несреќа во која таа е инволвирана, а бугарската страна апелирала на решавање на овој проблем за да ѝ се овозможи неопходното лекување.