Социјалните мрежи предизвикаа мигрантска криза меѓу Мароко и Шпанија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Социјалните мрежи предизвикаа мигрантска криза меѓу Мароко и Шпанија

04 август 2026

• од Димитар Стојановски

Илјадници луѓе се упатија кон шпанската енклава Сеута, откако на социјалните мрежи се проширија лажни информации дека границата со Мароко е отворена. За само неколку дена, околу 60.000 мигранти стигнале до Сеута, во најголемата мигрантска криза меѓу двете земји во последните години.

Според извештаите, на Инстаграм, Фејсбук и ТикТок се ширеле објави со тврдења дека мигрантите ќе можат лесно да влезат во Шпанија. Дел од објавите дури покажувале и маршрути за преминување по море, како и информации за движењето на крајбрежната стража.

Масовното ширење на дезинформации преку социјалните мрежи повторно ја отвори дебатата за можни координирани операции за дестабилизација. Иако засега нема докази кој стои зад кампањата што ги поттикна илјадниците луѓе да тргнат кон границата, европските безбедносни служби во последните години повеќепати предупредуваат дека странски актери, вклучително и Русија, користат дезинформациски кампањи за создавање политички и безбедноски притисок врз Европската Унија, особено преку миграциските теми.

Кога илјадници луѓе пристигнале на граничната зона, настанал хаос. Властите соопштија дека повеќе од 80 лица загинале од двете страни на границата, меѓу кои имало удавени и жртви во стампедо. Најголемиот дел од мигрантите подоцна биле вратени во Мароко или доброволно се вратиле поради недостиг од засолниште, храна и вода.

Шпанските и мароканските власти оценија дека дезинформациите на интернет одиграле клучна улога во масовното движење на луѓето и најавија истраги за организаторите на кампањата. Истовремено продолжуваат истрагите и за можната улога на криумчарски мрежи.

Дополнителна забуна предизвикале и неодамнешните промени во шпанската миграциска политика. Дел од мигрантите погрешно поверувале дека новите мерки значат дека секој што ќе стигне во Шпанија ќе може да остане легално, иако тие правила се однесуваат само на лица кои веќе престојувале во земјата пред 1 јануари.

Експертите посочуваат дека кризата ја покажала моќта на социјалните мрежи за брзо ширење лажни информации и поттикнување масовни миграциски движења. Воедно, тие нагласуваат дека високата невработеност кај младите во Мароко останува една од главните причини поради кои многумина се обидуваат да заминат во Европа.