Дојче Веле открива: „Достоинството го оставате пред врата“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Дојче Веле открива: „Достоинството го оставате пред врата“ – сведоштва за породувањата во Србија

01 август 2026

• од Димитар Стојановски

Повеќе од 20 жени од различни делови на Србија сведочеле за понижувачки третман, вербални навреди и медицински интервенции без нивна согласност за време на породувањето, покажува повеќемесечната истрага на Дојче Веле.

Жените, кои се породиле во различни градови и во различни години, опишуваат речиси идентични искуства. „Луѓето велат дека кога ќе влезете во Бетанија, достоинството го оставате пред врата“, сведочи една мајка. Друга вели дека „во селото подобро се грижат за кравите отколку што лекарите се грижеа за мене“, додека трета признава дека никогаш не ја покажала првата фотографија со своето бебе бидејќи, како што вели, изгледала „полумртва“.

Според истрагата на Дојче Веле, во голем број породилишта рутински се применуваат постапки како бричење, клизма и давање окситоцин за забрзување на породувањето, иако Светската здравствена организација препорачува тие да се користат само кога постои јасна медицинска потреба или по желба на родилката. Некои жени сведочат дека лекарите им ги извршувале интервенциите без објаснување и без да побараат согласност.

Во текстот се наведува дека во Србија речиси секоја втора жена има епизиотомија – хируршки засек при природно породување, а во некои болници оваа практика се применува кај повеќе од 70 проценти од родилките. Многу од жените тврдат дека зафатот бил направен без претходно објаснување, а во одредени случаи и без анестезија.

Дел од сведоштвата зборуваат и за навреди од медицинскиот персонал. Жените велат дека биле нарекувани „разгалени“, „слаби“ или „себични“, додека други тврдат дека биле изложени на понижувачки коментари и закани за време на породувањето.

Експертите што ги консултирала Дојче Веле оценуваат дека ваквите практики се последица на преоптоварен здравствен систем, недостиг на персонал и застарени медицински навики. Иако Србија донесе нови национални насоки за природно породување, соговорниците предупредуваат дека нема механизам кој ќе обезбеди нивна доследна примена, поради што многу жени и натаму се соочуваат со трауми кои траат долго по раѓањето на детето.