Венко Филипче: „ВМРО-ДПМНЕ го влоши животниот стандард на граѓаните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Венко Филипче: „ВМРО-ДПМНЕ го влоши животниот стандард на граѓаните

19 јануари 2025

• од Вардарски

Претседателот на Социјалдемократскиот сојуз на Македонија (СДСМ), Венко Филипче, заедно со потпретседателот Менде Илиевски, присуствуваа на конференцијата за избор на претседател и членови на Извршниот и Надзорниот одбор на Општинската организација на СДСМ во Прилеп. Во своето обраќање, Филипче ја критикуваше актуелната власт предводена од ВМРО-ДПМНЕ, обвинувајќи ја дека го понижува трудот на работниците и го влошува животниот стандард на граѓаните.

Филипче истакна дека, и покрај најголемиот буџет од 6 милијарди евра, нема предвидено средства за зголемување на платите на работниците. Тој нагласи дека ВМРО-ДПМНЕ го прекинала системот за континуиран раст на платите, воспоставен од СДСМ, што резултирало со влошување на животниот стандард на работниците. Според него, СДСМ, дури и во време на кризи, успеала да ја зголеми минималната плата на 22.567 денари и просечната плата на 42.000 денари.

Филипче додаде дека е срамно да се има најголем буџет во историјата, а да нема средства за покачување на платите. Тој потенцираше дека СДСМ нема да отстапи од борбата за правата на работниците и подобрување на нивниот животен стандард. Теренските активности на партијата ќе продолжат со цел да се слушнат предлозите на членовите и заеднички да се креираат идните партиски политики.