Таткото на судијата Ѓоко Ристов тврди дека 350.000 евра скриени во ѕид биле негова заштеда

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Таткото на судијата Ѓоко Ристов тврди дека 350.000 евра скриени во ѕид биле негова заштеда

09 октомври 2026

• од Гоце Кически

Таткото на судијата Ѓоко Ристов, Здравко Ристов, пред судот изјави дека 350.000 евра пронајдени скриени во ѕидот на семејната куќа во Неготино биле животна заштеда на него и неговата сопруга, заработена со долгогодишна земјоделска работа.

„Јас ги печалев, жена ми ги ставаше во ѕидот“, изјавил таткото на судијата, објаснувајќи дека парите биле заработувани со продажба на земјоделски производи.

Неговата сопруга Донка сведочела дека уште од 1975 година чувала пари скриени зад плочка во куќата. Двајцата родители тврдат дека нивните деца, вклучително и судијата Ѓоко Ристов, не знаеле за постоењето на заштедата.

Парите биле откриени во јануари 2026 година, при претрес на семејната куќа во Неготино. Истражителите пронашле 350.000 евра во банкноти од 200 и 500 евра, спакувани и скриени во ѕидот.

Случајот е дел од судската постапка против Ристов, кој се соочува со обвиненија поврзани со незаконско стекнување и прикривање имот, како и перење пари.

Меѓу доказите што се разгледуваат во постапката се и форензички анализи на пакувањата со пари. Според информациите изнесени на судењето, на дел од нив биле откриени биолошки траги од судијата, но не и од неговите родители. Одбраната го оспорува начинот на кој биле обезбедени и чувани доказите.

Обвинителството смета дека тврдењата на родителите за потеклото на парите не се поткрепени со останатите докази. Во текот на постапката се разгледуваат и финансиски трансакции поврзани со имотот на семејството, вклучително и уплати за станови.

Ѓоко Ристов негира вина. Судската постапка продолжува, а следното рочиште е закажано за 22 октомври. Засега нема правосилна пресуда со која е утврдено потеклото на пронајдените пари.