Судскиот совет незаконски избира в.д. претседатели на судови, алармира коалицијата „Сите за правично судење“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Судскиот совет незаконски избира в.д. претседатели на судови, алармира коалицијата „Сите за правично судење“

31 јули 2026

• од Темелко Тошев

Коалицијата „Сите за правично судење“ упати остра реакција во јавноста во која посочува дека Судскиот совет назначува вршители на должност (в.д.) претседатели на судовите спротивно на Законот за судовите.

Според граѓанската организација, Судскиот совет користи правна празнина во сопствениот Закон за Судски совет, што му овозможува да именува в.д. претседатели без да бидат испочитувани законските услови и без какво било ограничување на нивниот мандат.

Од Коалицијата потсетуваат дека Законот за судовите многу јасно предвидува кој може да го замени претседателот на судот во случај на негова спреченост или по истекот на мандатот. Согласно овој закон, функцијата треба да ја преземе судија од редот на судиите во истиот суд, и тоа исклучиво според редоследот кој е утврден со годишниот распоред за работа.

Наместо да се води според ова, Судскиот совет се повикува на Законот за Судски совет, каде што навистина постои одредба за именување на в.д. претседател, но истата е без дефинирани критериуми и рокови. Од „Сите за правично судење“ нагласуваат дека ваквата правна празнина му остава простор на Судскиот совет да назначува раководители на судовите по сопствено убедување, целосно заобиколувајќи ги редовните процедури за избор.

Со ваквата практика, како што велат од Коалицијата, се заобиколуваат клучните законски услови кои треба да ги исполни еден кандидат за претседател на суд – како што се неопходното судиско искуство и позитивната оцена за досегашната работа, а дополнителен проблем е што на именуваните лица им се дава неограничен мандат.

Поради овие недостатоци, организацијата јавно бара од Судскиот совет веднаш да престане со практиката на именување в.д. претседатели која е во спротивност со Законот за судовите. Тие апелираат институцијата доследно да ги почитува законските рамки и навремено да спроведува редовни огласи за избор на претседатели во сите судови каде што овие раководни позиции се празни.