ЕКОНОМСКИ ПОРАЗ: Македонските граѓани принудени да трошат гориво и време за да пазарат поевтино во Феризај, Косово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕКОНОМСКИ ПОРАЗ: Македонските граѓани принудени да трошат гориво и време за да пазарат поевтино во Феризај, Косово

30 јули 2026

• од Темелко Тошев

Сабота наутро, полн резервоар, празен багажник и список во телефонот – вака изгледа новата реалност за голем број македонски граѓани, особено од Скопје, Куманово, Тетово и околните места, кои викендите сè почесто ги користат за шопинг-патувања во соседно Косово, а сè по популарна дестинација станува градот Феризај (Урошевац).

Додека во минатото главната шопинг-рута за поевтино купување најчесто водела кон српските градови Врање или Ниш, последните години фокусот се поместува кон Косово. Граѓаните во Феризај гледаат нова можност за набавки поради релативно краткиот пат, добрата понуда и интересните можности за заштеда.

Зошто токму Феризај?

Купувачите кои редовно го посетуваат овој косовски град посочуваат дека најголема исплатливост имаат кога купуваат за цело семејство. Најголема разлика во цените се забележува кај обувките, детската гардероба, спортската облека и зимските парчиња.

Економистите објаснуваат дека ова е логичен чекор на потрошувачите кои се соочуваат со раст на трошоците:

„Кога платата е ограничена, а трошоците растат, граѓанинот бара каде му излегува поевтино. Ако за едно семејство разликата е неколку илјади денари, тоа веќе станува силна мотивација за патување.“

Покрај цените, голем дел од купувачите се привлечени и од самиот избор. Некои од нив нагласуваат дека таму наоѓаат поразновидна понуда и брендови кои им нудат нешто ново во споредба со она што се нуди во домашните трговски центри.

Дали се исплати секое патување?

И покрај популарноста на овие патувања, експертите и упатените предупредуваат дека не секое купување во странство носи вистинска финансиска заштеда. Кога ќе се стават на хартија трошоците за гориво, патарини, храна и времето поминато на пат, разликата во цената лесно може да се стопи, особено ако се купуваат само неколку ситни парчиња. Затоа, препораката е набавките да бидат добро испланирани.

Сепак, паркинзите пред трговските центри во Феризај преплавени со возила со македонски регистарски таблички се најдобар доказ дека овој тренд продолжува да расте. За едни тоа е чисто практична пресметка за заштеда, за други – можност за поразновиден шопинг, а за трети – пријатен викенд-излет комбиниран со корисни набавки.