Судијата Вулнет Винца оди во пензија, само три дена откако му го врати пасошот на бизнисменот Марковски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Судијата Вулнет Винца оди во пензија, само три дена откако му го врати пасошот на бизнисменот Марковски

31 јули 2026

• од Темелко Тошев

Претседателот на Основниот суд во Струга, Вулнет Винца, од денеска повеќе не е судија поради исполнување на условите за старосна пензија. Неговото пензионирање доаѓа само три дена откако тој претседаваше со Кривичниот совет кој донесе одлука да му се врати патната исправа на обвинетиот бизнисмен Борче Марковски, објави „360 степени“.

Иако судијата Винца доставил барање до Судскиот совет за да продолжи да ја извршува својата функција, на денешната седница истото било одбиено. Како што образложиле од Советот, барањето било одбиено поради задоцнето доставување на потребната изјава, со што се констатира дека тој овој месец ги исполнил условите за заминување во старосна пензија.

Марковски веднаш ја напушти државата – адвокатот тврди дека не е бегство

По одлуката за враќање на пасошот (за што била приложена гаранција од над пет милиони евра), бизнисменот Марковски веќе вчера се упатил кон граничниот премин „Табановце“. Тој бил привремено задржан на границата, но по извршените проверки му било дозволено да излезе од државата, со оглед на тоа што против него веќе не постоела активна мерка за забрана за напуштање на Македонија.

Неговиот адвокат денеска во изјава за јавноста негираше дека станува збор за бегство, потенцирајќи дека Марковски заминал во соседна Србија поради деловни обврски поврзани со неговите тамошни бизниси.

Борче Марковски, заедно со уште седум други лица, е обвинет за кривични дела поврзани со спорна јавна набавка. Станува збор за договор вреден околу 1,7 милиони евра, кој се однесувал на дислокација на погонски станици од ТЕЦ „Осломеј“ во РЕК „Битола“. Според обвинението, иако опремата воопшто не била планирана за во Битола, тендерот сепак бил спроведен. Неговата фирма, „Марковски компани“, ги демонтирала машините од Кичево и ги однела во Битола, каде ги оставила немонтирани во кругот на комбинатот.