СДСМ: Скопје е втор највалкан град во Европа, економијата и туризмот во реалноста тонат

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Скопје е втор највалкан град во Европа, економијата и туризмот во реалноста тонат

14 август 2026

• од Темелко Тошев

Опозициската партија СДСМ преку писмено соопштение упати остри критики кон актуелната власт и раководството, посочувајќи дека наспроти фалбите за економскиот и туристичкиот раст, Скопје се најде на второто место на европската црна листа по количината на ѓубре и нечистотија.

Од партијата вината ја констатираат кај, како што велат, „градоначалникот на Скопје, Орце Ѓорѓиевски“, иронично забележувајќи дека тоа е „човекот кој ја испитува водата од воздух со дрон и кој не може навреме да испрска против комарци“. Додаваат дека ветувањата за нови 3.000 контејнери од септември можеби ќе го поместат градот на третото место, но сепак ќе остане на врвот на црната ранг-листа.

СДСМ во соопштението прави паралела меѓу владините тврдења и, според нив, суровата реалност за македонскиот стандард.

„Минималната плата е околу 26.000 денари, просечната околу 49.000, додека потрошувачката кошничка достигна 70.000 денари. На млад човек без сопствен стан му се потребни околу 90.000 денари месечно само за да преживее. Економијата е во ‘одлична’ кондиција!“, иронично порачуваат од Бихаќка.

Покрај стандардот, социјалдемократите се осврнаа и на туризмот и авиосообраќајот, негирајќи ги тврдењата дека земјава е лидер во регионот. Тие посочија дека Македонија има околу 1 милион странски туристи, додека соседните и регионалните држави бележат многу повисоки бројки – Србија со 2,4 милиони, Албанија со над 11 милиони, а Хрватска со над 18 милиони туристи.

Во однос на воздухопловството, од СДСМ нагласуваат дека реалноста зад слоганите за „најбрзорастечки аеродром“ и „лидери во авиосообраќајот“ е сосема поинаква, потсетувајќи дека реномирани авиокомпании како „Луфтханза“ и „ЛОТ“ си заминале, додека „Изиџет“ ја укинува линијата за Париз.