Ибрахими: Со Охридскиот договор државата се дефинираше како сопственост на Македонците, Албанците повторно останаа малцинство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ибрахими: Со Охридскиот договор државата се дефинираше како сопственост на Македонците, Албанците повторно останаа малцинство

14 август 2026

• од Темелко Тошев

Зеќирија Ибрахими од коалицијата ВЛЕН (ВРЕДИ) ја коментираше 25-годишнината од потпишувањето на Охридскиот рамковен договор, оценувајќи ја неговата важност за запирањето на конфликтот и унапредувањето на правата на Албанците, но истовремено упатувајќи критики за одредени негови ограничувања.

Ибрахими истакнува дека Охридскиот договор има свои заслуги, бидејќи, според него, „го запре конфликтот, ја коригираше нееднаквоста во Македонија, ја подигна застапеноста на немнозинските граѓани, овозможи унапредување на употребата на албанскиот јазик и го отвори патот за децентрализација“.

Сепак, тој нагласува дека договорот не ги остварил првичните цели на Ослободителната национална армија (ОНА). Според Ибрахими, со Охридскиот договор Албанците продолжиле да остануваат во позиција на малцинство, додека државата се дефинирала како сопственост на македонскиот народ и етничките заедници.

Тој го критикува и статусот на албанскиот јазик, посочувајќи дека тој останал „јазик на малцинството“, додека правичната и соодветна застапеност, според него, останала да зависи од волјата на владите и не се претворила во целосна уставна и законска обврска.

Ибрахими покрена и прашања за улогата на ОНА во договорот, истакнувајќи дека таа не се споменува како страна-потписничка.

„Затоа, прославите, манифестациите, толкувањата и објаснувањата се сосема во ред, но ако немаме храброст прецизно да ги именуваме работите, секогаш ќе куцаме“, пишува Ибрахими.

На крајот, тој оценува дека само прецизното и точно утврдување на фактичката состојба може да претставува почетна точка за нејзино менување.