СДСМ бара оставка од Тошковски: Го обвинува за нетранспарентно работење и бара одговори за случајот со Михаилова

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ бара оставка од Тошковски: Го обвинува за нетранспарентно работење и бара одговори за случајот со Михаилова

12 октомври 2026

• од Гоце Кически

СДСМ повторно побара оставка од министерот за внатрешни работи Панче Тошковски, обвинувајќи го за нетранспарентно работење на институциите и недостиг од одговорност. Во најновото соопштение, партијата го споменува и заминувањето на Ива Михаилова во Бугарија, каде што таа побара медицинска помош поради влошената здравствена состојба.

„Сè се работи под маса. Договори што само тие во Владата ги знаат“, наведуваат од СДСМ, обвинувајќи ја власта дека не обезбедува доволна транспарентност за постапувањето на институциите.

Партијата бара објаснување од Министерството за внатрешни работи за начинот на кој Михаилова ја преминала границата.

Михаилова, пак, јавно изјави дека границата ја преминала целосно легално, со лични документи и со знаење на граничните службеници. Нејзиното заминување е поврзано со потребата од медицинска помош, а адвокатот претходно објасни дека таа останува подготвена да соработува со судот.

Критиките на опозициската партија се насочени и кон низа други случаи поврзани со работата на полицијата. СДСМ споменува пропусти во граничната контрола, случаи со дрога, бегства од полициски станици и постапување при пријави за семејно насилство.

Партијата поставува и прашања за користењето на системите за надзор на граѓаните, барајќи јасни законски правила што би спречиле можни злоупотреби.

„До денес нема одговор како пет тони поминаа граница“, наведуваат од СДСМ, поврзувајќи ги овие прашања со барањето за поголема институционална одговорност.

На крајот, партијата повторно бара да се утврдат околностите за постапувањето на надлежните институции и Тошковски да понесе политичка одговорност.

„СДСМ повторно бара да се утврди како се случило и да се понесе одговорност. Бараме оставка, Тошковски да понесе одговорност“, се наведува во соопштението.