Професорката Тамара Јовано :Во Штип скоро секоја втора куќа е со стомачен вирус, надлежните молчат за исправноста на водатa

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Професорката Тамара Јовано :Во Штип скоро секоја втора куќа е со стомачен вирус, надлежните молчат за исправноста на водатa

12 август 2026

• од Темелко Тошев

Професорката на Универзитетот „Гоце Делчев“ во Штип, Тамара Јованов, упати јавен апел и барање до надлежните институции итно да излезат со официјални информации за квалитетот и исправноста на водата за пиење во градот. Реакцијата следи откако во Штип е забележан драстично зголемен број на граѓани, а особено деца, кои се жалат на стомачни тегоби.

Според Јованов, ситуацијата на терен е загрижувачка, но од Општината сè уште нема никаква потврда ниту демант дали ширењето на стомачниот вирус е поврзано со водата за пиење.

„Во Штип скоро секоја втора куќа е со стомачен вирус, а надлежните не најдоа за сходно да објават дали е или не е поврзано со водата за пиење“, посочува таа.

Професорката нагласува дека по неодамнешните случувања со проблемите со водата во Гостивар, недозволиво е Општина Штип да не објавува официјални податоци за безбедноста на водата која секојдневно ја консумираат граѓаните. Дополнителен проблем создаваат и различните неофицијални информации кои кружат меѓу населението – од тврдења дека водата е целосно исправна, до сосема спротивни предупредувања.

Јованов потсетува дека Општината има законска и морална должност навремено да ги информира граѓаните за вакви клучни прашања поврзани со јавното здравје и животот. Таа додава дека ситуацијата е уште посериозна ако се земе предвид фактот дека Штип е универзитетски центар каде секојдневно престојуваат и илјадници студенти.

„Зошто нема официјално соопштение? Дали нешто се крие или едноставно на власта не ѝ е гајле до степен каде не сака ни да нè информира?“, прашува револтирано Јованов.

Во своето обраќање, таа упати и остри критики до општинските служби задолжени за информирање на јавноста, заклучувајќи дека граѓаните заслужуваат проверени, точни и навремени информации, особено кога на мета е нивното здравје.