ЕУ: Дел функционери во Северна Македонија не го користат уставното име на државата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕУ: Дел функционери во Северна Македонија не го користат уставното име на државата

05 ноември 2026

• од Никола Трајковски

Европската комисија забележува дека дел членови на владата и високи функционери во Северна Македонија повремено не го почитуваат Преспанскиот договор и не го користат уставното име на државата. Ова е наведено во извештајот за напредокот на земјата, објавен на 4 ноември, за кој известува Грик рипортер.

Во извештајот се нагласува дека билатералните договори треба да се спроведуваат со добра волја. Оценката го опфаќа периодот од 1 септември 2025 до 1 септември 2026 година и е дел од годишната процена на напредокот на Северна Македонија кон членство во Европската Унија.

Прашањето повторно се отвори во декември 2025 година, кога премиерот Христијан Мицкоски рече дека во земјата практично е вратена употребата на името „Македонија“. Грчкото Министерство за надворешни работи тогаш потсети дека според Преспанскиот договор уставното име е „Северна Македонија“ и дека договорот е обврзувачки за двете страни.

Договорот беше потпишан во 2018 година, а стапи во сила во февруари 2019 година. Тој утврдува дека името „Република Северна Македонија“ се користи во официјални контексти, вклучително и во меѓународните односи. И покрај забелешките, извештајот наведува дека соработката меѓу двете земји продолжува во економијата, инфраструктурата, енергетиката, туризмот и културата.