Јаневска: Затворени 18 институти – најдовме и таков регистриран во казино!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Јаневска: Затворени 18 институти – најдовме и таков регистриран во казино!

02 јули 2026

• од Темелко Тошев

Продолжува чистката во високото образование. Министерката за образование открива шокантни детали за работата на одредени установи и најавува затворање на факултети и приватни универзитети по спроведените евалуации.

Клучни акценти:

Затворени 18 институти: Дел од нив биле фиктивно лоцирани во казина, станови и продавници.
Странски експерти вршат контрола: Агенцијата за квалитет во високото образование конечно спроведува ригорозни евалуации.
Следат нови затворања: На повидок е ставање клуч на врата на одредени факултети и приватни универзитети.
Законски рестрикции: Оневозможени се приватни студии во области од силен јавен интерес (медицина, право).
Поплаки од регионот: Соседните држави реагирале на лошиот квалитет на кадарот што излегува од македонскиот систем.

Институти во казина, станови и продавници

Бројката на затворени институти во земјава се искачи на 18, откако првичните информации говореа за 14. Министерката за образование и наука, Весна Јаневска, во гостувањето во емисијата „За или против“ на телевизија Алфа, обелодени фрапантни примери за тоа како и каде биле регистрирани дел од овие установи.

„За жал, ете во Македонија и тоа се случи, најбруталниот пример е дека ние најдовме регистриран институт во една просторија во казино. Има регистрирани институти во станови, има простории за институти во продавници и така натаму. Институтот за да функционира треба да исполни одредени законски услови, значи да продуцира научно-истражувачка работа. Тие може да имаат апликативна, но првенствено мора да продуцираат научно-истражувачка работа,“ изјави министерката Јаневска пред новинарот Љупчо Цветановски.

Странски експерти чешлаат – следи затворање на факултети

Според Јаневска, клучна улога во ставањето ред конечно презела Агенцијата за квалитет во високото образование, која со години наназад не спровела ниту една евалуација на високообразовните институции. Со доаѓањето на новата директорка, Христина Серафимовска, работите се придвижиле.

„Вклучивме во комисиите странски експерти за да не биде дека некого гледаме со поинакви очи или повластуваме. Конечно имаме евалуации и сега течат рокови – ќе имаме затворање и на одредени факултети, на одредени приватни универзитети,“ истакна Јаневска.

Ограничувања за приватните факултети и контроли на државните

Министерката потенцираше дека со новиот закон се ограничени приватните студии во области каде што има силен јавен интерес, како што се правните и медицинските науки. Целта е да се обезбеди квалитетен стручен кадар од кој зависи државата.

Паралелно, Државниот просветен инспекторат веќе врши увиди и на државните факултети, особено таму каде што има поплаки. По констатираните неправилности, институциите добиваат записник и строги рокови за усогласување со законските одредби.

Соседните држави се жалат на нашите кадри

Реформите и контролите се бавен процес, но Јаневска е децидна дека системот се движи во добра насока. Таа испрати јасна порака до универзитетите и студентите дека законите мора да се почитуваат, откривајќи и еден загрижувачки факт поврзан со угледот на нашите дипломи во странство.

„Битно е дека луѓето сфатија дека ќе има контрола и студентите сфатија дека треба да учат. Целиот универзитет не може да се однесува надвор од законот. Жал ми е што морам да кажам, но јавна тајна е – дури и некои соседни држави се имаат усно пожалено дека квалитетот на одреден број студенти кои се испродуцирани во Македонија не е на ниво. Имаме добри законски решенија и верувам дека имплементацијата ќе го реши и овој проблем,“ заклучи Јаневска.