Што знаеме (и сè уште не знаеме) за „придруженото членство“ на Канада

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Што знаеме (и сè уште не знаеме) за „придруженото членство“ на Канада

20 септември 2026

• од Никола Трајковски

Европската Унија сака да ги подигне односите со Канада на ново ниво и разгледува можност земјата да стане првата „придружена членка“ на Унијата. Идејата ја претстави претседателката на Европската комисија Урсула фон дер Лајен, а канадскиот премиер Марк Карни изрази подготвеност за разговори.

Станува збор за нов модел за кој во европските договори во моментов нема посебно утврдена процедура. Брисел нагласува дека тоа не би било класично членство во ЕУ, туку посебна форма на поблиска политичка и економска соработка.

Во фокусот се трговијата, енергетиката, одбранбената индустрија, критичните минерали, вештачката интелигенција и новите технологии. Канада веќе учествува во дел од европските програми, а сака дополнително да ги прошири врските со Унијата, вклучително и преку поголема размена на студенти и млади.

Сè уште не е познато дали новиот модел би ѝ овозможил на Канада пристап до делови од единствениот европски пазар или поголема слобода за движење, работа и студирање. Европската комисија наведува дека овие прашања допрва треба да бидат предмет на преговори.

Карни најави дека конечниот договор ќе треба да биде разгледан и одобрен од канадскиот парламент. Европските институции, пак, ќе разговараат со земјите членки за тоа како би можел да изгледа новиот модел на партнерство. Следните разговори треба да ги прецизираат неговиот опсег и правилата.