Ивана Петковска: Македонското правосудство тоне во бавност и нетранспарентност

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ивана Петковска: Македонското правосудство тоне во бавност и нетранспарентност

20 септември 2026

• од Димитар Стојановски

Македонското правосудство и натаму се соочува со долги судски постапки, недостиг од кадар и пад на транспарентноста, објави 4news.mk, повикувајќи се на податоци и оценки од Коалицијата „Сите за правично судење“.

Ивана Петковска од Коалицијата, во емисијата „Ноќно студио“ на 4ТВ, посочи дека дел од работните и граѓанските спорови траат со години, додека рочиштата во одредени случаи се одржуваат само два до трипати годишно.

Според мониторингот на Коалицијата, ваквата динамика го доведува во прашање правото на судење во разумен рок и ги остава граѓаните долго време без конечна судска одлука.

Податоците покажуваат и пад на бројот на случаи што завршуваат со признание на вина. Во 2024 година таков исход имало во 34 отсто од набљудуваните случаи, додека во 2025 година процентот се намалил за околу 10 процентни поени.

Дополнителна загриженост предизвикува и намалената достапност на судските пресуди. Според Коалицијата, во 2024 година околу 40 отсто од пресудите не биле јавно објавени, а во 2025 година уделот на необјавени пресуди достигнал 66 отсто.

Како еден од главните проблеми се посочува и недостигот од судии, судии-поротници и стручни соработници. Ниските плати и условите за работа, според оценките на Коалицијата, го намалуваат интересот кај младите правници за кариера во судството и обвинителството.

Без подобрување на кадровската состојба и поголема ефикасност и транспарентност, предупредуваат од Коалицијата, дополнително може да се наруши довербата на граѓаните во правосудниот систем.