САД и Јужна Кореја почнуваат големи воени вежби по новиот ракетен тест на режимот во Северна Кореја

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

САД и Јужна Кореја почнуваат големи воени вежби по новиот ракетен тест на режимот во Северна Кореја

10 август 2026

• од Никола Трајковски

САД и Јужна Кореја следната недела ќе ги почнат своите годишни заеднички воени вежби, со цел да ја зајакнат подготвеноста против заканите од Северна Кореја. Маневрите доаѓаат само неколку дена по новото севернокорејско тестирање балистичка ракета.

Вежбата „Улчи фридом шилд“ ќе трае 11 дена, а во неа ќе учествуваат околу 18.000 јужнокорејски војници, заедно со американските сили. Обуката ќе опфати различни сценарија засновани и на искуствата од неодамнешните вооружени конфликти.

Американската војска посочува дека при подготовките се зема предвид и борбеното искуство што севернокорејските војници го стекнале со учеството на страната на Русија во војната против Украина. Вашингтон и Сеул стравуваат дека соработката со Москва може дополнително да ги подобри воените способности на Пјонгјанг.

Северна Кореја минатата недела истрела балистичка ракета со краток дострел, што беше нејзин прв ваков тест од крајот на јуни. Јужна Кореја и Јапонија го осудија лансирањето, нагласувајќи дека резолуциите на Советот за безбедност на Обединетите нации му забрануваат на Пјонгјанг активности поврзани со балистички ракети.

Севернокорејските власти традиционално ги претставуваат американско-јужнокорејските вежби како подготовка за напад, додека Вашингтон и Сеул нагласуваат дека маневрите имаат одбранбен карактер и се насочени кон заштита на сојузниците и стабилноста во регионот.