Претседателските избори во Бугарија закажани за 25 октомври, можен втор круг на 1 ноември

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Претседателските избори во Бугарија закажани за 25 октомври, можен втор круг на 1 ноември

29 јули 2026

• од Темелко Тошев

Претседателските избори во Бугарија ќе се одржат на 25 октомври оваа година, а доколку ниту еден од кандидатите не обезбеди апсолутно мнозинство, вториот круг (балотаж) ќе се одржи следната недела, односно на 1 ноември.

Оваа информација ја пренесе Бугарската национална телевизија (БНТ), повикувајќи се на редовниот претседателски совет на раководителите на пратеничките групи во Народното собрание, одржан во средата наутро.

Според бугарскиот Устав, Парламентот е тој што ги распишува изборите за претседател на државата. Гласањето мора да се спроведе не порано од три месеци и не подоцна од два месеци пред истекот на мандатот на актуелниот шеф на државата. Мандатот на актуелниот претседател истекува на 22 јануари 2027 година.

Кој влегува во претседателската трка?

Актуелната шефица на државата, Илијана Јотова – која ја презеде функцијата од Румен Радев откако тој стана премиер – веќе официјално најави дека ќе се кандидира за нов мандат. Нејзината кандидатура ќе биде поддржана од иницијативен одбор. Поддршка за Јотова веќе стигна и од партијата „Прогресивна Бугарија“, чиј лидер е токму премиерот Радев, кој посочи дека наскоро ќе се разговара и за номинацијата за потпретседател.

Од друга страна, коалицијата ГЕРБ-СДС најверојатно нема да излезе со свој партиски кандидат. Високиот функционер Владислав Горанов изјави дека лично би гласал за Даниел Влчев, доколку тој одлучи да се кандидира.

Во меѓувреме, поранешниот технички премиер Андреј Ѓуров изјави дека сè уште не донел конечна одлука дали ќе се вклучи во претседателската трка, но нагласи дека „демократската заедница сигурно ќе излезе со свој кандидат“ за шеф на државата.

Со наближувањето на октомври, се очекува политичката сцена во Бугарија дополнително да се вжешти и да се дефинира конечната листа на кандидати кои ќе се борат за претседателската фотелја.