Бугарија, Романија и Грција подготвуваат нови транспортни врски низ Балканот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија, Романија и Грција подготвуваат нови транспортни врски низ Балканот

05 септември 2026

• од Темелко Тошев

Бугарија, Романија и Грција заеднички ќе аплицираат за европско финансирање на заеднички инфраструктурни проекти преку Механизмот за поврзување на Европа (CEF) во секторот „Транспорт“.

Предложените проекти се лоцирани главно по централната и западната оска на европскиот транспортен коридор „Балтичко Море – Црно Море – Егејско Море“. Се очекува овие проекти да придонесат за побрзо и поефикасно движење на патниците и стоките, како и за зајакнување на отпорноста на транспортната инфраструктура и синџирите на снабдување. Значаен дел од инвестициите е поврзан и со развој на инфраструктура со двојна намена, вклучително и таква што поддржува воена мобилност.

Повикот за предлог-проекти преку овој Механизам е отворен до 6-ти октомври оваа година, и тоа во две главни насоки: Кохезионен пакет и пакет „Воена мобилност“.

Во рамките на Кохезиониот пакет, се планираат физибилити студии за железничката делница „Михајлово – Димитровград“ и за изградба на железничката линија „Љубимец – Свиленград – граница со Република Грција“.

Во пакетот „Воена мобилност“ се вклучени проширувањето на делот од крајот на автопатот „Струма“ до граничниот премин „Кулата“ (кон Грција), проучување и студија за автопатот „Велико Трново – Николаево – автопат Марица“, како и електрификација на делот „Дунав мост – собирна станица Русе“.

Оваа иницијатива произлегува од Меморандумот за засилена прекугранична соработка во рамките на Платформата за коридорот „Црно Море – Егејско Море“ и придружниот акциски план. Документите кои ја дефинираат рамката за координирано планирање, подготовка, финансирање и имплементација на приоритетните прекугранични проекти по европските транспортни коридори беа потпишани во Брисел на 3-ти декември минатата година.