Исланд на референдум: Дали земјата ќе ги возобнови преговорите за членство во Европската Унија?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Исланд на референдум: Дали земјата ќе ги возобнови преговорите за членство во Европската Унија?

30 август 2026

• од Темелко Тошев

Исланѓаните денеска гласаат на референдум за тоа дали земјата треба да ги возобнови преговорите за членство во Европската Унија, пренесува „Ројтерс“.

Резултатите од референдумот сè уште не се готови, а тешко е да се направи каква било прогноза бидејќи јавното мислење е поделено на речиси два еднакви дела.

Избирачките места беа отворени од 09:00 часот наутро и ќе бидат отворени до 22:00 часот, а резултатите се очекуваат утре, на 30 август.

Поддржувачите на возобновувањето на преговорите со ЕУ сметаат дека приклучувањето кон блокот би можело да го ублажи проблемот со високите каматни стапки и да обезбеди поголема сигурност.

Од друга страна, противниците истакнуваат дека тоа би го загрозило суверенитетот на островот и контролата врз неговите риболовни зони.

По гласањето на референдумот, премиерката на земјата, Кристирун Фростадотир, изјави дека кампањата разгорела значајна дебата за местото на Исланд во светот.

„Ова е прекрасен ден. Со години чекавме можност да го спроведеме ова гласување“, истакна Фростадотир, додавајќи дека нејзината влада ќе ја продолжи својата работа без оглед на исходот.

Ако гласачите се изјаснат со „за“, тоа единствено ќе го отвори патот кон преговори со Брисел. Потоа, Исланд ќе мора да спроведе втор референдум – веројатно по неколку години – за тоа дали конечно да се приклучи кон ЕУ.

Исланд за првпат поднесе барање за членство во ЕУ во 2009 година. Преговорите беа прекинати во 2013 година, откако тогашната влада го замрзна процесот.