Скандалозно однесување во Маврово: Туристи во танги се качуваат на потопената црква „Св. Никола“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Скандалозно однесување во Маврово: Туристи во танги се качуваат на потопената црква „Св. Никола“

17 август 2026

• од Темелко Тошев

Несоодветно однесување на група посетители во Маврово предизвика бурни реакции во јавноста и на социјалните мрежи. Имено, објавени се фотографии на кои јасно се гледа како лица по костими за капење (танги) се качуваат по надворешниот ѕид од кулата на препознатливата делумно потопена црква „Св. Никола“ во Мавровското Езеро.

Случајот на социјалните мрежи го обелодени Тони Чаловски, кој преку својот Фејсбук профил алармираше за оваа недолична глетка која предизвика револт кај многумина.

Според неговите тврдења, се работи за туристи кои пристигнале организирано со комбиња и веднаш почнале да се качуваат директно на објектот на храмот. Тој нагласува дека посетителите биле „облечени целосно несоодветно за еден црковен и свет простор“.

Чаловски во својата објава потсетува дека црквата не е место за ваква забава. „Ова место претставува свет и духовен простор, а истовремено е и значаен дел од културното и туристичкото наследство на Маврово,“ посочува тој, барајќи соодветна интервенција од институциите.

Со цел да се стави крај на ваквите појави, тој упати јавен повик до надлежните органи да воведат ред и да го заштитат објектот од вакво непочитување. Чаловски додава дека неговата намера при објавувањето на фотографиите не е да ги навреди туристите, туку исклучиво да ги алармира јавноста и институциите да преземат мерки за заштита на овој важен културно-историски споменик.

Потопената црква „Св. Никола“ со децении е една од најпознатите туристички атракции во Македонија, но граѓаните се категорични дека нејзиниот статус на верски и историски објект налага основна почит од секој што ќе ја посети.