Денеска 17 април 2026 година се празнува Светиот пророк Мојсеј Боговидец

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 17 април 2026 година се празнува Светиот пророк Мојсеј Боговидец

17 септември 2026

• од Темелко Тошев

Православната црква и нејзините верници денеска го одбележуваат споменот на Светиот пророк Мојсеј Боговидец, великиот водач и законодавец на израилскиот народ.

Мојсеј е роден во Египет, околу 1550 година пред Христа. Неговиот живот е поделен на три значајни периоди од по четириесет години. Првите четириесет години од својот живот ги поминал во Египет, на дворецот на фараонот, каде се стекнал со врвното образование од тоа време.

Следните четириесет години ги поминал живеејќи како пастир, во длабоко созерцание на Бога и на светот, подготвувајќи се за својата голема мисија. Во последните четириесет години од неговиот овоземен живот, Мојсеј ја презел на себе најтешката задача – го водел својот народ низ пустината кон Ветената Земја.

Иако стигнал до нејзините граници и ја видел, не влегол во неа, бидејќи во една прилика Му згрешил на Бога (4 Мојсеева 20, 12). Мојсеј се упокоил во сто и дваесеттата година од својот живот.

Овој голем пророк е познат како чудотворец, а според зборовите на свети Василиј Велики, тој претставува предобраз на самиот Исус Христос. За неговата големина сведочи и фактот што тој се јавил на гората Тавор за време на Христовото Преображение. Дополнително, според сведоштвата на Свети Јован Лествичник, светиот пророк Мојсеј подоцна им се јавувал и на монасите во Синајскиот манастир.