СДСМ: Мицкоски бара алиби за избори по сценарио на српските и руските служби

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Мицкоски бара алиби за избори по сценарио на српските и руските служби

24 август 2026

• од Темелко Тошев

Социјалдемократскиот сојуз на Македонија (СДСМ) преку писмено соопштение упати остри критики кон премиерот Христијан Мицкоски, обвинувајќи го дека работи како „руски прокси-играч“ кој бара алиби за предвремени избори, додека државната каса е испразнета поради сомнителни тендери.

Во најновата партиска реакција, опозицијата категорично порачува дека нема да му служи како алиби на Мицкоски за распишување избори, кои според нив, власта мора да ги одржи синхронизирано со изборите во Србија.

Испразнет буџет и стопирани кредити

Од СДСМ истакнуваат дека власта се соочува со сериозен недостиг на средства и континуирано се задолжува.

„Тој не сака да признае дека нема пари во буџетот. Сè потрошил за криминални тендери. Секоја недела има нови задолжувања, но тоа нема да може да оди во недоглед“, се вели во соопштението. Партијата додава дека без реални гаранции нема нови кредити, а со падот од власт на унгарскиот премиер Виктор Орбан, според СДСМ, ја нема повеќе можноста за „пласирање кинески пари преку Унгарија“.

Анти-ЕУ агенда и страв од европското обвинителство

СДСМ го обвинува Мицкоски дека неговата политика е во целосна согласност со руската и српската анти-ЕУ агенда. Според нив, на овие центри им одговара Македонија да остане надвор од Европската Унија и да служи како „тампон-зона“.

„Ова лично му одговара и на Мицкоски, бидејќи со ЕУ доаѓа и европското обвинителство, а тогаш некој ќе мора да одговара за криминал и корупција“, потенцираат од партијата.

Според опозицијата, Владата нема апсолутно никакви резултати во економијата, земјоделството, образованието, здравството или дипломатијата. За да се одбрани од критиките, велат од СДСМ, на помош на Мицкоски му прискокнува партијата Левица, која во соопштението е наречена „стар добар руски сателит“.

Медиумска офанзива и измислување нови противници

Опозициската партија тврди дека идната кампања на власта ќе се базира исклучиво на поделби, а за таа цел се воведува „тешка српска медиумска артилерија“ преку странски медиумски групации и лиценци.

Бидејќи, како што велат, ВМРО-ДПМНЕ веќе не може да ја користи темата со Бугарите поради компромитираноста со бугарските пасоши и фирми на нивни истакнати членови, новиот измислен противник ќе се бара кај Албанците.

„Ова е веќе видено сценарио – кое не е потребно само за националистичката кампања на ВМРО во Македонија, туку и за менторот Вучиќ. Затоа Иван Стоилковиќ деновиве е во Србија на договори со СНС“, се нагласува во реакцијата.

На крајот, од СДСМ порачуваат дека граѓаните заслужуваат вистина, а не претстава во режија на српскиот претседател Александар Вучиќ, во која Мицкоски ја игра главната улога. „СДСМ нема да учествува во оваа игра. Нема да бидеме алиби“, заклучуваат од опозицијата.