ПОЧНА СУДЕЊЕТО ЗА ДЕВЕТМИНА ПОЛИЦАЈЦИ: Лиценцата за „Пулс“ добиена без соодветни проверки на терен

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ПОЧНА СУДЕЊЕТО ЗА ДЕВЕТМИНА ПОЛИЦАЈЦИ: Лиценцата за „Пулс“ добиена без соодветни проверки на терен

25 април 2026

• од Темелко Тошев

Во Основниот кривичен суд денеска со подготвително рочиште започна судскиот процес против деветмина полициски службеници, обвинети за злоупотреба на службената положба и овластување во случајот поврзан со работењето на дискотеката „Пулс“.

Според обвинението, полицајците овозможиле објектот да добие лиценца за работа без претходно да утврдат дали се исполнети законските стандарди, пред сè во делот на безбедноста и инфраструктурата.

Обвинителство: Свесно пропуштени проверки за профит на клубот

Јавната обвинителка Спасенка Андонова во своето излагање беше децидна дека полициските службеници свесно ги занемариле своите работни должности. Наместо да извршат детален увид на терен, тие дале согласност врз основа на нецелосни податоци.

„На конкретните полициски службеници им се става на товар дека не ги извршиле своите службени обврски, односно не направиле целосна проверка дали ’Пулс‘ има доволно паркинг места и дали претходно имало нарушувања на јавниот ред и мир. Врз основа на таа ’пропуштена‘ проверка, дадена е позитивна согласност, со што е овозможено клубот да добие лиценца, да работи и да остварува заработка“, истакна Андонова.

Одбраната се жали на институциите и недостиг на докази

Адвокатите на обвинетите уште на самиот почеток побараа интервенција од судот, тврдејќи дека Министерството за внатрешни работи (МВР) и други релевантни институции ги игнорираат нивните барања за доставување на клучни докази.

Адвокатот Асмир Алиспахиќ смета дека обвинението е неосновано и дека не постои директна врска помеѓу постапките на полицајците и подоцнежните случувања.

„Наводите ќе бидат разјаснети во текот на постапката. Ќе видите дека она што им се става на товар ниту може да има причинско-последична врска со настанот, ниту може да се квалификува како кривично дело по членот 353 (Злоупотреба на службена положба)“, изјави Алиспахиќ.

Епилог од една голема трагедија

Овој процес е само еден од трите судски предмети кои произлегоа од обемната истрага за работењето на „Пулс“. Додека два предмети се однесуваат на административни злоупотреби и корупција, третиот е директно поврзан со кобната ноќ на 16 март.

Потсетуваме, во катастрофалниот пожар кој го пеплоса клубот „Пулс“, животот го загубија 63 лица, а над 200 беа повредени, настан кој ја згрози јавноста и отвори сериозни прашања за коруптивните врски при издавањето дозволи за масовни објекти.

Судењето продолжува со изведување на материјални докази во наредниот период.