Македонско-бугарски бизнис со поддршка од поранешен гувернер на Арканзас од САД: АНТОЛИНИ потпиша договор со Краун Интернешнл

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонско-бугарски бизнис со поддршка од поранешен гувернер на Арканзас од САД: АНТОЛИНИ потпиша договор со Краун Интернешнл

02 мај 2026

• од Тодор Вангелов

Компанијата АНТОЛИНИ Корпорејшн Груп објави дека склучила петгодишен бизнис договор со господинот Стојан Бакалов, сопственик на Краун Интернешнл Инкорпорејтед од САД, со што дополнително се зацврстуваат економските врски меѓу Северна Македонија и американскиот бизнис сектор.

Според информациите од компанијата, Бакалов има долгогодишна соработка со земјата, која започнала уште во 2001 година. Во тој период, тој учествувал во значајни проекти за модернизација на безбедносните капацитети, вклучувајќи набавка на полициски возила од брендот Крајслер и теренски џипови, како и обезбедување агрегати и системи за видеонадзор на граничните премини. Дополнително, тој бил ангажиран и како советник на Доста Димовска.

Значајна поддршка за новиот договор доаѓа и од САД. Имено, поранешниот гувернер на Арканзас, Аса Хачинсон, го потпишал и го поддржал бизнис планот на АНТОЛИНИ Корпорејшн Груп. Хачинсон е познат американски политичар кој ја извршуваше функцијата гувернер на Арканзас во периодот од 2015 до 2023 година, а претходно бил и конгресмен и дел од администрацијата на претседателот Џорџ В. Буш.

Од АНТОЛИНИ Корпорејшн Груп истакнуваат дека договорот претставува важен чекор во нивната стратегија за интернационализација. Компанијата веќе има развиено силно присуство во индустрискиот сектор, особено во увозот на мермерни блокови за кинескиот пазар, како и преку сопствена мермерна кариера во Прилеп.

Покрај тоа, компанијата се позиционира како еден од водечките производители во земјата во сегментите на ПВЦ прозорци и керамички плочки, со континуиран раст и проширување на капацитетите.

Директорот на компанијата, Илија Јанков од Струмица, посочува дека меѓународната соработка е клучна за понатамошниот развој. Тој нагласува дека компанијата активно соработува и со бугарската градежна компанија Артекс Инженеринг, со која реализира проекти за изградба на станбени објекти во Софија.

„Како компанија од Северна Македонија, се надеваме дека ќе имаме уште повеќе вакви договори кои ќе придонесат за развојот на нашиот бизнис, но и за севкупниот економски напредок на државата,“ велат од АНТОЛИНИ Корпорејшн Груп.

Овој договор се оценува како позитивен сигнал за зголемената деловна активност и интересот за инвестирање во регионот, особено во секторите на градежништво, индустрија и извозно ориентирани производи.