Ива Михаилова од Кочани: Седум месеци сум обвинета без вина и ми е оневозможено лекување во странство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ива Михаилова од Кочани: Седум месеци сум обвинета без вина и ми е оневозможено лекување во странство

02 мај 2026

• од Гоце Кически

Ива Михаилова од Кочани јавно проговори за случајот во кој веќе седум месеци се води како обвинета по сообраќајна несреќа со смртен исход, тврдејќи дека нема вина за настанот и дека ѝ се прекршени основните човекови права, вклучително и правото на лекување.

Според нејзината изјава, несреќата се случила при обид на друго возило да избегне полициска контрола.
„Полицијата беше запрена на место каде што сметам дека немаа право да стојат. Едно возило беше стопирано, а возилото што доаѓаше спротивно од мене, наместо да забави, се обиде да ги претекне и влезе во мојата лента. Се судривме,“ изјави Михаилова.

Таа објаснува дека по судирот нејзиното возило било оттурнато кон десната страна и удрило во заштитната ограда, додека другото возило се завртело и застанало на коловозот.

Во врска со смртниот случај, Михаилова тврди дека причината не била директно од судирот.
„Во другото возило имало материјали и метални шипки. Лицето кое било на задното седиште било погодено од шипка во главна артерија и поради тоа починало,“ вели таа.

И покрај тоа, Михаилова нагласува дека веќе седум месеци се води како обвинета.

Дополнително, таа сведочи за сериозни здравствени последици од несреќата.
„Имам скршени пршлени Л4 и Л5, кои подоцна предизвикаа притисок врз нервите. Левата нога ми е парализирана и ми е дијагностицирана делумна параплегија и тетраплегија,“ изјави Михаилова, додавајќи дека ѝ е препорачана итна хируршка интервенција.

Според неа, таквата интервенција не се изведува во земјава, туку во Бугарија, Израел или Турција. Михаилова посочува дека има здравствено осигурување во Бугарија, каде што живее и работи веќе 15 години, и бара да ѝ се дозволи да замине на лекување.

„Подготвени сме да дадеме гаранција дека ќе се вратам за секое судење или повик од институциите. Но, пасошите — и македонскиот и бугарскиот — ми се одземени и не ми се враќаат,“ вели таа.

Михаилова обвинува дека институциите не ги разгледуваат сите докази.
„Доставивме пет или шест сведоци кои можат да потврдат како се случила несреќата, но досега е повикан само еден,“ додава таа.

Нејзината одбрана веќе поднела трето барање до надлежните органи, со кое се нуди гаранција во форма на имот, со цел да ѝ се овозможи лекување во странство.

„Сметам дека моите човекови права се сериозно нарушени. Единственото што го барам е да ми се дозволи да се лекувам,“ порача Михаилова.