Lupa.bg: Олигарси блиски до Мицкоски финансираат антибугарска кампања преку бизниси во Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Lupa.bg: Олигарси блиски до Мицкоски финансираат антибугарска кампања преку бизниси во Бугарија

21 јули 2026

• од Темелко Тошев

Бугарскиот портал Lupa.bg објави напис во кој се тврди дека бугарската Фондација „Македонија“ изработила национална мапа на фирми во Бугарија кои, според нив, се поврзани со македонскиот премиер Христијан Мицкоски и неговиот „олигархиски круг“. Според тврдењата во статијата, профитот од овие бизниси се користи за финансирање на „антибугарска кампања“ во Република Северна Македонија.

Претседателот на фондацијата, Виктор Стојанов, за порталот изјавил дека процесот на собирање податоци траел три недели.

„Околу 6.000 Македонци развиваат бизнис кај нас. Според нашите податоци, на наша територија дејствуваат 30 фирми на лица блиски до владејачката ДПМНЕ. Нивните сопственици не ги поднесуваат Бугарите кои им се клиенти. Повикуваме на бојкот на овие македонски фирми. Ако некој забележи неправилности, нека пријави во НАП (Националната агенција за приходи), Агенцијата за вработување, РЗИ и слично. Ние веќе поднесовме најмалку 50 пријави до НАП. Нека се затворат овие друштва за да можат обичните Македонци да развиваат бизнис кај нас“, изјавил Стојанов.

Во својата изјава, тој директно ги споменува сопственикот на „Пелистерка“, Цветан Панделески, како и бизнисменот Орце Камчев, обвинувајќи ги дека остваруваат профит на бугарскиот пазар, додека истовремено водат „антибугарска политика“ и помагаат во „политиката на омраза кон Бугарите“.

Тврдења за бизнисите на премиерот Мицкоски

Според Стојанов, македонскиот премиер Христијан Мицкоски поседува бизниси во Бугарија поврзани со транспортни услуги и трговија на мало со прехранбени производи, кои се концентрирани главно во југозападниот дел на земјата. Во текстот се изнесува и тврдење дека премиерот преку својата партија управува со бизниси во Бугарија вредни над 60 милиони евра и дека „ги усогласува сите свои дејствија со Белград“, користејќи го бугарскиот пазар за пристап до Европската Унија.

Листа на лица кои се посочени во статијата

Порталот Lupa.bg објави и листа на лица кои ги квалификува како „луѓето на Мицкоски кои заработуваат на грбот на Бугарите“:

Орце Камчев: Опишан како македонски олигарх санкциониран според американскиот закон „Магнитски“ и сопственик на „Орка Холдинг“. Порталот тврди дека има значително политичко и судско влијание преку владејачката партија и дека финансира „антибугарски медиуми“ во Скопје, посочувајќи го Канал 5.
Зоран Азманов: Претставен како претставник на олигархиските економски кругови, со инвестиции во градежништвото, недвижностите и енергетиката. Текстот го опишува како „олигарх близок до партијата ДПМНЕ“.
Тимчо Муцунски: Актуелниот министер за надворешни работи е посочен како близок човек на премиерот. Се споменува неговиот татко Ѕвонко Муцунски како долгогодишен дипломат и безбедносен службеник, а се тврди дека фирмите во Бугарија поврзани со министерот се всушност на негови роднини од Берово.
Живко Мукаетов: Наречен „најбогатиот Македонец во РСМ“ и наследник на фармацевтската компанија „Алкалоид“. Порталот тврди дека е близок пријател на Мицкоски, дел од раководството на партијата и дека индиректно ја помага антибугарската дејност преку финансирање на владејачката партија.

Извор: Lupa.bg