Цана: Уште еден пациент почина од вирусот на Западен Нил, бројот на жртви се искачи на шест

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Цана: Уште еден пациент почина од вирусот на Западен Нил, бројот на жртви се искачи на шест

27 август 2026

• од Темелко Тошев

Уште еден пациент почина вчера попладне од последици на вирусот на Западен Нил, со што вкупниот број на жртви од оваа болест се искачи на шест, потврди денеска директорот на Клиниката за инфективни болести, д-р Фадил Цана.

Станува збор за 72-годишен маж од Скопје, кој имал и тешки придружни заболувања. Пациентот бил примен на Клиниката пред 15 дена, во тешка општа состојба и со тешка клиничка слика.

„За жал, морам да информирам дека вчера попладне почина уште еден пациент“, изјави Цана. Според него, и покрај сите преземени интензивни мерки на Одделението за интензивна нега, пациентот не успеал да ја добие битката со болеста.

До денес, на Клиниката за инфективни болести се хоспитализирани вкупно 51 пациент со симптоми на овој вирус, а 27 од нив се целосно излекувани и пуштени на домашно лекување.

Во моментов, на Клиниката се лекуваат 18 пациенти. Од нив, 15 имаат лабораториски потврдена невроинвазивна инфекција од вирусот на Западен Нил, додека кај тројца пациенти постои клиничко сомнение за оваа форма на инфекција.

Најмладиот пациент кој во моментот се лекува на Клиниката има 26 години и, според лекарите, се наоѓа во добра здравствена состојба.

Од друга страна, состојбата е покритична на Одделението за интензивна нега, каде што продолжува лекувањето на петмина пациенти со тешка клиничка слика. Сите пациенти во критична состојба се лица во поодмината возраст.