Ансамблот „Лозенец“ од Софија вечерва настапува на фолклорниот фестивал „Македонски танц“ во Охрид

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ансамблот „Лозенец“ од Софија вечерва настапува на фолклорниот фестивал „Македонски танц“ во Охрид

27 август 2026

• од Темелко Тошев

Фолклорниот ансамбл „Лозенец“ од Софија, вечерва со почеток во 19:00 часот, ќе ја претстави Бугарија на овогодинешното издание на Меѓународниот фолклорен фестивал за деца и млади „Македонски танц 2026“ што се одржува во Охрид. Информацијата за гостувањето ја соопшти Бугарскиот културно-информативен центар во Скопје.

Ансамблот работи во рамките на Народното читалиште „Пенчо П. Славејков 1921“ од Софија, а како фолклорен клуб е основан во 2020 година. Негов раководител и кореограф е Мирослав Шијанков, кој активно ја негува и продолжува долгогодишната фолклорна традиција на ова читалиште. Во составот на „Лозенец“ играат повеќе од 20 танчари, меѓу кои има и професионални изведувачи.

Иако станува збор за релативно млад состав, ансамблот веќе има богата историја на настапи на бројни национални и меѓународни фестивали. Меѓу нивните најзначајни признанија се издвојуваат Гран при наградата на меѓународниот фолклорен фестивал во Катерини Паралија, Грција, како и престижните награди освоени на „Estreia Dance Fest“, „Sundance Fest“ и фестивалот „Ритамот во моето срце“.

Охридската публика вечерва ќе има можност да ужива во нивниот богат и разновиден репертоар, во кој се вклучени популарните кореографии: „Шопски танци“, „Криво оро“, „Закачка“, „Кај Дунав“ и „Варненски танц“.