Бугарски медиуми со тврдења: Груевски ќе чека застарување на пресудите во Белград пред да се врати во Скопје?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарски медиуми со тврдења: Груевски ќе чека застарување на пресудите во Белград пред да се врати во Скопје?

17 април 2026

• од Темелко Тошев

Бугарскиот портал „Lupa.bg“, повикувајќи се на свои извори, објави сензационални тврдења дека деновите на поранешниот македонски премиер Никола Груевски во Будимпешта се одбројани. Според порталот, Груевски веќе го подготвува својот багаж за заминување во Србија, стравувајќи од евентуална екстрадиција.

Мал најавен пресврт во Унгарија?

Причината за ваквата паника, според бугарскиот медиум, лежи во политичките промени во Унгарија. Тие тврдат дека идниот кандидат за премиер, Петер Маѓар, нема намера да го толерира престојот на Груевски, кого го смета за „меѓународен криминалец“ на кој не му е местото во земјата.

Поради ова, Груевски наводно планира засолништето да го побара во Србија, земја чија политика, според „Лупа“, ја следел со години.

Стратегијата: Две години во Србија до „падот“ на Мицкоски

Изворите на бугарскиот портал тврдат дека планот на Груевски е да помине две години во Србија, чекајќи да заврши мандатот на актуелниот премиер Христијан Мицкоски.

„Таму ќе чека две години да истече мандатот на Христијан Мицкоски и кога тоа ќе се случи, ќе се врати во Скопје. Уште повеќе што тогаш дел од неговите пресуди ќе бидат со измината застареност“, пишува „Lupa.bg“.

Мицкоски дециден: Го чека затвор

Ваквите шпекулации доаѓаат по јасната порака од актуелниот македонски премиер. Христијан Мицкоски, коментирајќи ги најавите за можна промена на ставот на Унгарија, беше дециден:

„Органите на редот ќе го задржат и ќе го испратат на издржување казна затвор согласно правосилната судска одлука. Ова е влада за која важат сите закони и таа е должна да ги почитува“, изјави Мицкоски, нагласувајќи дека секое лице, па и Груевски, по приведувањето може да ги користи своите законски права на жалби и приговори.

Контроверзите за „српската врска“

Бугарскиот медиум во својата анализа потсетува и на изјавите на поранешниот претседател Стево Пендаровски, кој своевремено го обвини Груевски за антибугарска реторика и за тоа дека Белград му бил поголем приоритет од Софија.

Според бугарските аналитичари, историски парадокс е што лидерот на партија која се смета за наследник на историското ВМРО, развил толку блиски односи со Белград, што сега го прави идеално место за негово следно засолниште.

Досието Груевски

Никола Груевски ја напушти Македонија во ноември 2018 година, пред да биде упатен на издржување на двегодишната затворска казна за случајот „Тенк“. Оттогаш, тој во отсуство беше осуден во повеќе други предмети:

7 години затвор за случајот „Плацеви на Водно“ (присвојување партиски пари).
1,5 година затвор за случајот „Насилство во Општина Центар“.
Дополнителни пресуди и обвиненија за злоупотреба на службената положба и корупција.

Иако македонските власти во неколку наврати бараа екстрадиција, Унгарија досега ги одбиваше барањата со образложение дека Груевски е политички прогонуван. Дали навистина ќе се случи преселба во Србија, останува да видиме.