ДУИ: Изет Меџити да си поднесе оставка – плаќа партиски војници со 1.000 евра, додека негувателките гладуваат!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ДУИ: Изет Меџити да си поднесе оставка – плаќа партиски војници со 1.000 евра, додека негувателките гладуваат!

16 април 2026

• од Темелко Тошев

Демократската унија за интеграција (ДУИ) ја известува јавноста за фрапантните злоупотреби со буџетските средства во Општина Чаир. Податоците од Open Finance го потврдуваат она што граѓаните одамна го чувствуваат – дека парите на чаирчани се трошат за партиски интереси, додека клучните сектори во општината пропаѓаат.

Партискиот профит пред потребите на граѓаните

Официјалните бројки откриваат дека Општина Чаир исплаќа месечен износ од околу 1.000 евра на Хаќим Рамадани, поранешен директор и кандидат за градоначалник од друга општина. За ДУИ е неприфатливо лице кое:

не живее во Чаир,
не плаќа даноци во Чаир,
нема никаква врска со потребите на локалното население,

да добива енормни суми од општинската каса, додека локалниот кадар се соочува со егзистенцијални проблеми.

Негувателките без плата, Изет Меџити со пари за послушниците

Ова е реалноста што ја создаде Изет Меџити: додека за партиските активисти од други градови се одвојуваат по илјада евра месечно, едукаторите и негувателките во градинките во Чаир веќе шест месеци се без своите надоместоци од само 100 евра.

Поради оваа негрижа, професионалците кои се грижат за нашите деца се принудени да ги напуштаат работните места. За Меџити, партиската лојалност е поважна од иднината на нашите деца.

„Ова е врв на моралната, политичката и институционалната деградација на општината. Изет Меџити веќе нема никаков кредибилитет да зборува за развој или грижа за граѓаните.“

БАРАЊЕ ЗА НЕОДЛОЖНА ОСТАВКА

Ваквото недомаќинско работење и класичната злоупотреба на народните пари мора да престане веднаш. Како политички субјект кој се залага за достоинството на граѓаните, Демократската унија за интеграција бара итна оставка од Изет Меџити.

Нема да дозволиме Чаир да биде заложник на лични и партиски интереси. Нема да застанеме додека не се врати одговорноста и институционалното достоинство на Општина Чаир.