Поранешниот бугарски МНР, Николај Младенов, ќе го води „Одборот за мир“ на Трамп за Газа!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Поранешниот бугарски МНР, Николај Младенов, ќе го води „Одборот за мир“ на Трамп за Газа!

09 јануари 2026

• од Станча Јаќимовски

Поранешниот бугарски министер за надворешни работи и долгогодишен дипломат на Обединетите нации, Николај Младенов, е назначен за генерален директор на т.н. „Мировен совет“, тело формирано во рамки на планот на американскиот претседател Доналд Трамп за прекин на огнот во Појасот Газа. Информацијата ја соопшти израелскиот премиер Бенјамин Нетанјаху, а ја пренесе Асошиејтед Прес.

Според најавите, Мировниот совет ќе има клучна улога во надгледувањето на активностите на новата технократска палестинска влада. Меѓу главните задачи на телото се разоружувањето на Хамас, распоредувањето на меѓународни безбедносни сили, понатамошното повлекување на израелските трупи од Газа, како и координацијата на процесот на обнова на разурнатиот регион.

Назначувањето на Младенов следува по неговите средби со израелскиот премиер Нетанјаху и претседателот на Израел, Исак Херцог, во Ерусалим. Нетанјаху на социјалните мрежи објави фотографии и видео од средбата, опишувајќи го Младенов како „назначен“ претседател на телото кое ќе го надгледува спроведувањето на втората, значително посложена фаза од договорот за прекин на огнот.

Иако засега нема официјална потврда од американска страна, дипломатски извори оценуваат дека ова назначување претставува важен исчекор во оживувањето на мировниот план на Трамп. Планот беше ставен во мирување по завршувањето на првата фаза, која доведе до прекин на двегодишните борби во Газа, но продолжението на процесот подолго време е во застој.

Се очекува Белата куќа подоцна овој месец да ги објави и останатите членови на Мировниот совет, додека Младенов ќе биде главниот претставник на ова тело на терен и централна фигура во имплементацијата на мировните договори.