Марта Кос: Стабилноста на Западен Балкан е стратешки интерес на Европа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Марта Кос: Стабилноста на Западен Балкан е стратешки интерес на Европа

16 септември 2026

• од Темелко Тошев

Европската комесарка за проширување, Марта Кос, за време на дебатата во Европскиот парламент посветена на погребот на воениот злосторник Ратко Младиќ и глорификацијата на воените злосторства во Србија, истакна дека стабилноста и напредокот на Западен Балкан се од стратешки интерес за Европа, при што Србија има централна улога и одговорност во тој процес.

Кос посочи дека настаните од изминатиот период потсетуваат колку е тешко соочувањето со едно од најмрачните поглавја во поновата европска историја и големите страдања предизвикани од војните во поранешна Југославија.

„ЕУ е солидарна со сите жртви на воени злосторства, преживеаните и нивните семејства. Србија, со поднесувањето апликација за членство во ЕУ, се обврза да ги почитува европските вредности и принципи“, изјави таа, додавајќи дека величањето на воените злосторници и негирањето на геноцидот се неспоиви со европските вредности и за нив нема место во Унијата.

Осврнувајќи се на нејзината посета на Сребреница минатата година, Кос нагласи дека е несфатливо некој што е одговорен за такви злосторства да се слави како херој. Според неа, сликите од погребот на Младиќ се крајно вознемирувачки, укажуваат на неуспех во соочувањето со минатото и се во спротивност со темелите на европската интеграција. Таа изрази посебна загриженост од присуството на министри, функционери и претставници на српската војска, како и политичари од Република Српска на самиот погреб.

Европската комисија упати повик до српските власти и до сите политички чинители во регионот активно да придонесат кон помирувањето и градењето добрососедски односи. Сепак, Кос подвлече дека видените сцени не го претставуваат целокупното српско општество.

„Многу граѓани од Србија и од регионот ми пишаа, изразувајќи противење на величањето на воените злосторници. Затоа знам дека Србија е повеќе од тоа. Србија се нејзините граѓани, младите, претприемачите, службениците, уметниците и новинарите кои сакаат нивната земја да оди напред, кои сакаат да живеат во слободна, демократска и европска Србија. Таа Србија заслужува да биде слушната и поддржана, и за неа има место во Европа“, порача комесарката.

На крајот од своето обраќање, Кос потенцираше дека достоинството на жртвите на геноцид и воени злосторства не може да биде предмет на преговори. Европа, како што наведе, никогаш нема да бара од Србија да го негира својот идентитет и историја, но ќе инсистира на искрено соочување со минатото. Таа заклучи дека Европската комисија ќе направи сè што е во нејзина моќ за да го поддржи европскиот пат на Србија.