09 јануари 2026
• од Станча Јаќимовски
Соединетите Американски Држави сè повеќе се дистанцираат од меѓународните правила кои до неодамна самите ги промовираа и постепено се повлекуваат од дел од своите сојузници. Ова го изјави францускиот претседател Емануел Макрон, цитиран од агенцијата „Франс прес“.
Во своето годишно обраќање пред француските амбасадори, Макрон оцени дека мултилатералните институции функционираат сè понеефикасно, што дополнително ја ослабува глобалната соработка.
„Живееме во свет на големи сили, со реално искушение тие да го поделат светот“, нагласи францускиот претседател, предупредувајќи на зголемените геополитички тензии.
Макрон исто така истакна дека Кина, по пандемијата, покажала сè поизразена и неограничена трговска агресивност, што, според него, сериозно ѝ наштетило на европската економија.
Претходно во текот на денот, германскиот претседател Франк-Валтер Штајнмајер упати остра критика кон надворешната политика на САД за време на мандатот на претседателот Доналд Трамп. Тој повика меѓународната заедница да не дозволи светскиот поредок да се распадне во „сврталище на разбојници“, каде што безскрупулозните земаат што ќе посакаат.
14,4 милиони денари за патување: Пратениците се возат на грбот на граѓаните
Ненадминливи Понуди Дневно
4.8 (10276 рецензии)
Заштедете 152.00 ден

