Косово доби турски противтенковски ракетни системи OMTAS

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Косово доби турски противтенковски ракетни системи OMTAS

07 јануари 2026

• од Станча Јаќимовски

Косово доби нова пратка современи противтенковски ракетни системи OMTAS од Турција, како дел од континуираниот процес на зајакнување на одбранбените капацитети на земјата. Испораката е договорена во декември 2023 година со турскиот државен производител Roketsan, информира министерот за одбрана во технички мандат, Ејуп Македончи.

Министерот објасни дека системот OMTAS (Orta Menzilli Tanksavar Silah) претставува современ противтенковски ракетен систем со среден дострел, наменет за неутрализирање на модерни оклопни возила, вклучувајќи тенкови опремени со реактивна заштита, како и за уништување на утврдени воени позиции. Според него, зголемувањето на бројот и разновидноста на противтенковски системи за Косовските безбедносни сили има за цел да обезбеди покривање на различни дострели, терени и сценарија на закана, со што значително се зголемува оперативната флексибилност.

Македончи не соопшти колку системи се испорачани, ниту колкава е вкупната вредност на договорот. Оваа информација ја пренесе РСЕ/РЛ.

Според податоците објавени на официјалната веб-страница на Roketsan, OMTAS е високо ефикасен против оклопни цели и може да се користи и дење и ноќе, без оглед на временските услови. Системот овозможува лансирање од воени возила, како и од статични платформи со трипод, што ја зголемува неговата тактичка применливост на терен.

Ракетниот комплекс има ефективен дострел од 0,2 до 4 километри. Вкупната тежина на ракетата заедно со цевката за лансирање изнесува околу 35 килограми, со дијаметар од 160 милиметри и должина од 1,8 метри.

Во последните години, Косово значително го забрза процесот на вооружување, набавувајќи оружје претежно од Соединетите Американски Држави и Турција, вклучувајќи ракетни системи и беспилотни летала. Паралелно со тоа, земјата е во процес на трансформирање на Косовските безбедносни сили во редовна армија – процес започнат во 2018 година, кој е планирано да трае десет години.