СДСМ: Владата на Мицкоски цела недела без мерки за цените на горивата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Владата на Мицкоски цела недела без мерки за цените на горивата

16 март 2026

• од Станча Јаќимовски

Помина цела недела откако цените на горивата значително се зголемија, а Владата предводена од Христијан Мицкоски сè уште не презема никакви мерки за нивно намалување. Овој раст директно се прелева врз цените на сите останати производи, што веќе се чувствува во маркетите и врз семејните буџети на граѓаните.

Последиците од поскапувањето се веќе видливи. Основните прехранбени производи почнуваат да поскапуваат, а цената на маслото за јадење веќе надмина 100 денари. Ова е само почеток на ценовниот притисок кој дополнително ќе се засилува доколку Владата не реагира.

Се поставува прашањето дали Владата намерно дозволува ваква состојба за да профитира од високите даноци што се наплатуваат преку горивата или едноставно се работи за неспособност да се преземат навремени мерки.

СДСМ веќе предложи конкретен пакет мерки за заштита на граѓаните и стабилизирање на цените. Предлогот вклучува намалување на ДДВ за горивата од 18% на 5%, намалување на акцизата за 4 денари, како и намалување на ДДВ за основните прехранбени производи. Овие мерки би имале директен ефект врз намалување на цените и олеснување на трошоците за граѓаните.

Владата мора веднаш да ги примени предложените решенија и да не чека. Секој изгубен ден значи дополнителен трошок за граѓаните. Само оваа недела македонските граѓани платија околу 3 милиони евра повеќе поради зголемувањето на цената на дизелот за 14 денари.

Дополнително загрижува и можноста за нов раст на цените на светските пазари. Доколку конфликтот во Иран потрае три месеци, се проценува дека цената на нафтата може да достигне 150 до 160 долари за барел, што е речиси двојно повеќе од сегашната цена.

Без навремен модел и мерки што ќе го ограничат овој тренд, цените ќе продолжат да растат, а подоцна ќе биде многу потешко да се намалат, дури и во случај на стабилизација на светските пазари.

Очигледно е дека Владата на Мицкоски воопшто не се грижи за животниот стандард на граѓаните. Таа одбива да донесе мерки за намалување на цените и истовремено одбива да ја зголеми минималната плата.

Во меѓувреме, работниците излегуваат на улица и се борат за достоинствен живот и корка леб, додека власта наместо решенија нуди навреди, понижување и омаловажување.