Искината ограда ги чувала белите волци што избегаа: „Анима Мунди“ бара итно затворање на ЗОО Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Искината ограда ги чувала белите волци што избегаа: „Анима Мунди“ бара итно затворање на ЗОО Скопје

26 јуни 2026

• од Темелко Тошев

Здружението за заштита на животните „Анима Мунди“ излезе со остра реакција по шокантните информации за бегството на белите волци од Зоолошката градина во Скопје. Како што објави порталот Скопје1.мк, скандалот изнесе на виделина сериозни пропусти во безбедноста и катастрофални услови за чување на дивите животни, кои директно ја загрозуваат безбедноста на животните, но и на граѓаните.

Несоодветни услови и импровизирана безбедност

Од организацијата посочуваат дека оградата на живеалиштето, која јавноста можеше да ја види на снимките, не остава ниту најмал впечаток дека ги исполнува неопходните безбедносни стандарди за изолирање на диви животни.

„Оградата што се гледа на снимката не остава впечаток на безбедносен систем соодветен за чување диви животни. Напротив, отвора сериозни сомнежи дали воопшто биле обезбедени минималните стандарди за заштита и спречување на бегство“, децидни се од „Анима Мунди“.

Оттаму алармираат дека безбедноста во една ваква институција не смее да се темели на импровизации или да зависи од „среќни околности“, додавајќи дека ваквата негрижа и супстандардни услови се провлекуваат подолг временски период.

Итни барања до надлежните

Револтирани од инцидентот кој заврши со усмртување на животните, од здружението испорачаа листа на итни и неопходни чекори кои институциите мора да ги преземат:

Итно затворање на ЗОО Скопје сѐ до завршување на целосен и независен инспекциски надзор.
Детална инспекција на сите живеалишта, кафези, огради и безбедносни системи, при што наодите мора да бидат јавно објавени.
Независна истрага за бегството на волците и нивното усмртување, како и утврдување на строга одговорност за сите пропусти.
Воведување мораториум за размножување и внесување на нови животни сè додека не се обезбедат услови што ги исполнуваат законските и стручните стандарди.

Трансформација наместо заробеништво

Покрај итните мерки за санација на штетите и утврдување одговорност, „Анима Мунди“ предлага и долгорочно решение – изработка на план за трансформација на Зоолошката градина во спасувачки и рехабилитациски центар за животни.

Својата реакција тие ја заклучија со моќна порака која треба да ги освести надлежните:

„Институција што не може да гарантира сигурност за животните што ги држи во заробеништво, не може да гарантира ниту безбедност за граѓаните.“