„Безбеден град“ пристигна и во Велес: За само ден и пол регистрирани 151 прекршок

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Безбеден град“ пристигна и во Велес: За само ден и пол регистрирани 151 прекршок

13 септември 2026

• од Темелко Тошев

Системот „Безбеден град“ од денеска е ставен во функција и на територијата на СВР Велес, која ги опфаќа градовите Велес, Кавадарци, Неготино и Демир Капија. Првичните резултати од камерите покажуваат висока активност уште во првите часови од нивното работење.

Министерот за внатрешни работи, Панче Тошковски, информираше дека во текот на саботата биле забележани 124 прекршоци, додека до недела напладне биле регистрирани уште 27, со што вкупниот број на казнети возачи изнесува 151 за само ден и половина. Најголем дел од овие прекршоци се однесуваат на брзо возење, додека само во три до четири случаи е регистрирано поминување на црвено светло.

За поефикасно управување со системот, во Велес е отворен нов команден центар, кој е сместен во целосно реновираните поранешни простории на Министерството за одбрана.

Министерот Тошковски упати благодарност до граѓаните за нивното одговорно однесување и почитувањето на правилата, нагласувајќи дека примарната цел на „Безбеден град“ не е полнење на државната каса, туку исклучиво зголемување на безбедноста во сообраќајот.

Дека системот веќе дава позитивни резултати, покажуваат и статистиките на државно ниво. Според податоците, во првите осум месеци од минатата година на патиштата низ Македонија животот го загубиле 96 лица, додека во истиот период оваа година тој број е значително намален на 61 жртва.